RBIએ રૂ. 2000ની નોટો બદલવાની તારીખ લંબાવી છે. હવે 7મી ઓક્ટોબર સુધી બેંકમાં નોટો બદલી શકાશે.
ઉલ્લેખનીય છે કે આ પહેલા RBIએ કહ્યું હતું કે 2000 રૂપિયાની મોટાભાગની નોટો ઉપયોગમાં નથી. તેથી, 30 સપ્ટેમ્બર પછી, તેઓ હવે ઉપયોગમાં લેવાશે નહીં. જે હેતુ માટે તેને લાવવામાં આવ્યો હતો તે હેતુ સિદ્ધ થયો છે. સેન્ટ્રલ બેંકે કહ્યું કે તેમણે 2018-19માં રૂ. 2,000ની નોટો છાપવાનું બંધ કરી દીધું હતું કારણ કે અન્ય મૂલ્યોની નોટોનો પૂરતો સ્ટોક ઉપલબ્ધ થયો હતો.
RBIના આજના નિર્ણય અનુસાર 2000 રૂપિયાની નોટો લીગલ ટેન્ડર રહેશે. એટલે કે જો તમારી પાસે પણ 2000 રૂપિયાની નોટ છે તો ચિંતા કરવાની જરૂર નથી. કારણ કે આરબીઆઈની કોઈપણ બેંક અથવા પ્રાદેશિક કાર્યાલયની મુલાકાત લઈને હજી પણ આ સરળતાથી બદલી શકાય છે.
હવે શું થશે?
આ અપડેટ પછી, બેંકો 8 ઓક્ટોબરથી એક્સચેન્જ માટે ₹ 2,000 ની નોટ સ્વીકારવાનું બંધ કરશે. વાસ્તવમાં, સેન્ટ્રલ બેંકે તેના સર્ક્યુલરમાં સ્પષ્ટપણે લખ્યું છે કે 7મી ઓક્ટોબરની નવી નિર્ધારિત સમયમર્યાદા પછી પણ જો રૂ. 2000ની નોટો બદલાતી નથી, એટલે કે આ પછી પણ જો કોઈની પાસે રૂ. 2000ની નોટ બચી જાય છે, તો તમે ન તો તેને બેંકમાં જમા કરાવી શકશો અને ન તો તમે તેને બદલી શકશો.. આ નોટો આરબીઆઈની 19 પ્રાદેશિક કચેરીઓમાંથી બદલી શકાય છે. એક સમયે 20,000 રૂપિયાથી વધુની નોટો બદલી શકાતી નથી. આ નોટો ભારતીય પોસ્ટ દ્વારા આરબીઆઈના 'ઈસ્યુ ઓફિસ'ને પણ મોકલી શકાય છે.