અમદાવાદની એક યુવતીએ પનીર ટિક્કા ઓનલાઈન ઓર્ડર કર્યા હતા, પરંતુ તેને ચિકન સેન્ડવિચ પહોંચાડવામાં આવી હતી. જે બાદ તેણે ફરિયાદ કરી અને 50 લાખ રૂપિયાના વળતરની માંગણી કરી. આ
મામલો અમદાવાદની એક રેસ્ટોરન્ટનો છે. નિરાલી પરમારે પોસ્ટ શેર કરીને કહ્યું કે જ્યારે તેણે સેન્ડવિચ ખાધી ત્યારે તેને ખબર પડી કે તે નોન-વેજ સેન્ડવિચ છે, જ્યારે તેણે વેજનો ઓર્ડર આપ્યો હતો. નિરાલીએ
અમદાવાદ મ્યુનિસિપલ કોર્પોરેશનના ડેપ્યુટી હેલ્થ ઓફિસરને લેખિત ફરિયાદ કરી કાર્યવાહીની માંગ કરી છે.
નિરાલીની ફરિયાદ મુજબ, 3 મેના રોજ તેણે ઝોમેટો પાસેથી વેજિટેબલ ફૂડ મંગાવ્યો હતો. પનીર ટિક્કાને બદલે, ટેરા દ્વારા પિક અપ મિલ્સ નામની ફૂડ ચેઇનમાંથી નોન-વેજ સેન્ડવીચની ડિલિવરી કરવામાં આવી હતી. નિરાલીએ કહ્યું કે તે શાકાહારી છે, તેણે તેના જીવનમાં ક્યારેય નોન-વેજ ખાધું નથી. તેથી તેણે
તે રેસ્ટોરન્ટ સામે કડક કાર્યવાહીની માંગ કરી છે.
મીડિયા રિપોર્ટ્સ અનુસાર, અમદાવાદ મ્યુનિસિપલ કોર્પોરેશનના ફૂડ ડિપાર્ટમેન્ટ ઓફિસર ભાવિન જોશીએ જણાવ્યું કે, યુવતીની ફરિયાદ મળી છે. કેસની તપાસ ચાલી રહી છે. જો સત્યતા જણાશે તો કાર્યવાહી કરવામાં આવશે.