દક્ષિણ ગુજરાતના અનેક વિસ્તારોમાં ભારે વરસાદે તારાજી સર્જી છે. ઘણા વિસ્તારોમાં છેલ્લા ત્રણ દિવસથી વરસાદ બંધ થયો નથી. રાજ્યના છ વિસ્તારો વરસાદથી ખરાબ રીતે પ્રભાવિત થયા છે. ગુજરાતની સ્થિતિને જોતા અમદાવાદમાં શાળા-કોલેજો બંધ કરી દેવામાં આવી છે. અત્યાર સુધીમાં 61થી વધુ લોકોના મોત થયા છે. કેટલીક નદીઓના જળસ્તર વધી જતાં નીચાણવાળા વિસ્તારોમાં પાણી ભરાયા હતા. નવસારી અને વલસાડ જિલ્લામાંથી 700થી વધુ લોકોને સલામત સ્થળે ખસેડવામાં આવ્યા છે. ઓરસંગ નદીના જળસ્તર વધી જતાં વલસાડના કેટલાક નીચાણવાળા વિસ્તારોમાં પૂરની સ્થિતિ સર્જાઈ હતી. કાવેરી અને અંબિકા નદીઓ ખતરાના નિશાનથી ઉપર વહી રહી હોવાથી નવસારી જિલ્લાના અધિકારીઓ પણ એલર્ટ પર છે.
વલસાડ અને નવસારી જિલ્લામાં ભારે વરસાદ થયો છે. છોટા ઉદેપુર અને નર્મદા જિલ્લામાં પણ ભારે વરસાદ થયો હતો, જેના કારણે નદીઓ ઓવરફ્લો થઈ ગઈ હતી અને નીચાણવાળા વિસ્તારોમાં પાણી ભરાઈ ગયા હતા. ગુજરાતમાં વરસાદના કારણે અત્યાર સુધીમાં 61 લોકોના મોત, અમદાવાદમાં ભારે વરસાદ બાદ શાળાઓ બંધ, રાજ્યના 6 જિલ્લામાં ભારે વરસાદ પડી રહ્યો છે.
અમદાવાદમાં રવિવારે સાંજે 7 વાગ્યાથી વરસાદ શરૂ થયો હતો. આ પછી બે કલાક મુશળધાર વરસાદ વરસ્યો હતો. ત્રણ કલાકના વરસાદમાં શહેરના મોટા વિસ્તારમાં પાણી ભરાઈ ગયા હતા. એનડીઆરએફની 13 ટીમો અને એસડીઆરએફની 16 ટીમો અસરગ્રસ્ત વિસ્તારોમાં તૈનાત કરવામાં આવી છે. દક્ષિણ અને મધ્ય ગુજરાતમાં મુશળધાર વરસાદને કારણે 388 રસ્તાઓ બંધ છે. અમદાવાદ, વલસાડ, નવસારી અને ડાંગ સહિત ગુજરાતના છ જિલ્લાઓમાં ભારે વરસાદને કારણે જનજીવન પ્રભાવિત થયું છે. વલસાડમાં ત્રણ દિવસથી વરસાદ પડી રહ્યો છે. અહીં ચાર લોકોને એરલિફ્ટ કરીને પૂરના પાણીની વચ્ચેથી બહાર કાઢવામાં આવ્યા છે.
ગુજરાતના મુખ્યમંત્રી ભૂપેન્દ્ર પટેલે પણ છોટાઉદેપુર સહિત દક્ષિણ ગુજરાતમાં ભારે વરસાદને કારણે ઊભી થયેલી પરિસ્થિતિને પહોંચી વળવા માટે લેવાયેલા પગલાંની સમીક્ષા કરવા રાજ્યના ઇમરજન્સી ઓપરેશન સેન્ટરના જિલ્લા કલેક્ટરો સાથે બેઠક યોજી હતી. અમદાવાદ મ્યુનિસિપલ કોર્પોરેશને સોમવારે ભારે વરસાદને ધ્યાનમાં રાખીને અમદાવાદમાં શાળા-કોલેજો બંધ રાખવાનો નિર્ણય કર્યો છે.
છેલ્લા ત્રણ કલાકમાં સરેરાશ 114.3 મીમી વરસાદ નોંધાયો છે. વલસાડ, નવસારી, તાપી સહિતના વિવિધ જિલ્લાઓમાં ભારે વરસાદ નોંધાયો છે. પાલડી, વાસણા અને એલિસબ્રિજ વિસ્તારમાં સૌથી વધુ 241.3 મીમી વરસાદ નોંધાયો છે. હાલ કેટલાક વિસ્તારોમાં વરસાદ બંધ થઈ ગયો છે. શહેરમાં છેલ્લા ત્રણ દિવસમાં સિઝનનો 30 ટકા વરસાદ નોંધાયો છે.
મધ્ય અને દક્ષિણ ગુજરાતમાં ભારે વરસાદ અને આગામી બે દિવસ ભારે વરસાદની આગાહી બાદ મુખ્યમંત્રી ભૂપેન્દ્ર પટેલે તાત્કાલિક બેઠક બોલાવી હતી.
અમદાવાદ, પાલડી, બોડકદેવ, ઉસ્માનપુરા અને જોધપુરમાં પાણી ભરાયા છે. પાંચ અંડરપાસ બંધ કરી દેવામાં આવ્યા છે. છોટા ઉદેપુરમાં રવિવારે ભારે વરસાદને કારણે પુલનો એક ભાગ ધરાશાયી થયો હતો.
પૂર જેવી પરિસ્થિતિ વચ્ચે લગભગ 700 લોકોને સલામત સ્થળે ખસેડવામાં આવ્યા હતા. ઔરંગા નદીમાં ઉછાળો આવ્યો છે અને વલસાડ જિલ્લાના નીચાણવાળા વિસ્તારોમાં પણ ભારે વરસાદને કારણે પૂર જેવી સ્થિતિ જોવા મળી છે. એનડીઆરએફની ટીમો અને સ્થાનિક પ્રશાસન આ વિસ્તારમાં રાહત અને બચાવ કામગીરી કરી રહ્યા છે.
IMD એ જણાવ્યું કે દક્ષિણ ગુજરાત અને સૌરાષ્ટ્રના અન્ય ઘણા જિલ્લાઓમાં પણ આ સમયગાળા દરમિયાન ભારેથી અતિ ભારે વરસાદ પડવાની સંભાવના છે. જાંબુઘોડાના લોકપ્રિય ઝંડ હનુમાન મંદિરમાં દર્શન કરવા આવેલા સેંકડો પ્રવાસીઓ થોડા કલાકો માટે અચંબામાં પડી ગયા હતા. તાલુકાની સૂકી નદીમાં પાણીનું સ્તર વધી જતાં આસપાસમાં રહેતા લોકોના ઘરોમાં પાણી ભરાયા હતા. નર્મદા જિલ્લામાં ભારે વરસાદે હાહાકાર મચાવ્યો હતો.
ભારે વરસાદને કારણે વડોદરાના પ્રતાપનગર અને છોટા ઉદેપુર જિલ્લા વચ્ચેની ટ્રેન સેવા ખોરવાઈ ગઈ હતી. પ્રતાપનગર-છોટા ઉદેપુર સેક્શન પર બોડેલી અને પાવી જેતપુર વચ્ચેનો ટ્રેક આ વિસ્તારમાં ભારે વરસાદને કારણે ધોવાઈ ગયો હતો. વડોદરા રેલ્વે વિભાગના અધિકારીઓના જણાવ્યા અનુસાર, ટ્રેન નંબર 09169 પ્રતાપનગર-છોટા ઉદેપુર પેસેન્જર અને ટ્રેન નંબર 09170 છોટા ઉદેપુર-પ્રતાપનગર પેસેન્જર ટ્રેક ધોવાઈ ગયા બાદ રદ કરવામાં આવી હતી.
છોટાઉદેપુર જિલ્લામાં ભારે વરસાદના પગલે માર્ગ અને મકાન(સ્ટેટ) દ્વારા ૧૨ રસ્તાઓ અવરજવર માટે બંધ કરવામાં આવ્યા છે. અવર જવર માટે બંધ કરવામાં આવેલા આ રસ્તાઓ પર પાણી ઓસર્યા બાદ પણ જયાં સુધી જિલ્લા વહીવટીતંત્ર દ્વારા પસાર થવા અનુમતિ આપવામાં ન આવે ત્યાં સુધી અવર જવર માટે બંધ કરેલ રસ્તાઓ પરથી પસાર થઇ શકાશે નહીં.
અમદાવાદના પાલડીમાં સૌથી વધુ 12 ઈંચ, ઉસ્માનપુરામાં 8 ઈંચ, બોડકદેવમાં 8 ઈંચ,બોપલમાં સાડા સાત ઈંચ, સરખેજમાં સાડા છ ઈંચ, મણિનગરમાં સાડા છ ઈંચ, રાયખડમાં 6 ઈંચ વરસાદ નોંધાયો હતો. વરસાદના પગલે હાટકેશ્વરમાં ખુબ જ પાણી ભરાયું હતું. હાટકેશ્વર સર્કલ ત્રણ દિવસમાં બીજી વાર બેટમાં ફેરવાયું હતું. ખોખરા ગુજરાત હાઉસીગ બોર્ડના બ્લોકો અને સર્વોદયનગરમાં નાગરિકોના ઘરમાં પાણી ભરાવાનું શરૂ થઇ ગયું હતું.
અમદાવાદ શહેરમાં સરેરાશ 4.5 ઈંચ જેટલો વરસાદ પડ્યો હતો. પાલડીમાં સૌથી વધુ 10 ઈંચ વરસાદ ખાબક્યો હતો. ઉસ્માનપુરા અને બોડકદેવમાં 8-8 ઈંચ વરસાદ, મક્તમપુરા અને જોધપુરમાં 7.5 ઈંચ વરસાદ, બોપલ અને ગોતામાં 6-6 ઈંચ, સરખેજમાં 5 ઈંચ, વટવામાં 5 ઈંચ, મણિનગરમાં 4 ઈંચ વરસાદ નોંધાયો હતો. સાયન્સ સિટી અને ચાંદલોડિયામાં 4-4 ઈંચ વરસાદ પડ્યો હતો. અમદાવાદ શહેરમાં મૂશળધાર વરસાદથી જળબંબાકાર રોડ-રસ્તાઓ પર પાણી ભરાતાં વાહનચાલકોને હાલાકી થઇ હતી. નીચાણવાળા વિસ્તારોના લોકોના ઘરોમાં ઘૂંટણસમા પાણી ભરાયા હતા. મીઠાખળી, મકરબા, પરિમલ, વેજલપુર અંડરપાસ બંધ કરવામાં આવ્યો હતો.
વાસણા બેરેજના 8 દરવાજા 4 ફૂટ ખોલવામાં આવ્યા હતા. 17, 18, 19, 20, 21, 22, 23, 24 નંબરના ગેટ ખોલાયા હતા. સાબરમતી નદીમાં 18 હજાર 904 ક્યુસેક પાણી છોડવામાં આવ્યું હતું. અમદાવાદ શહેરમાં મૂશળધાર વરસાદથી જળબંબાકારની સ્થિતિ સર્જાઇ હતી. જોધપુર, મક્તમપુરા, બોડકદેવ, ઉસ્માનપુરામાં પાણી પાણીની સ્થિતિ હતી. આનંદનગર, સેટેલાઈટ, વેજલપુર, શિવરંજનીમાં પાણી ભરાયું હતું. અમરાઈવાડી, હાટકેશ્વર, અનુપમમાં ભરાયાં પાણી ભરાયું હતું. રખિયાલ, ગોમતીપુર, સુખરામનગરમાં પાણી ભરાયા હતા. મણિનગર, સીટીએમ, ઈસનપુર, જશોદાનગરમાં પાણી ભરાયા હતા.