DC vs RR: IPL 2025 ની 32મી લીગ મેચ દિલ્હી કેપિટલ્સ અને રાજસ્થાન રોયલ્સ વચ્ચે દિલ્હીના અરુણ જેટલી સ્ટેડિયમ ખાતે રમાઈ હતી, જે દિલ્હી કેપિટલ્સે સુપર ઓવરમાં જીતી હતી. આ મેચમાં રાજસ્થાન રોયલ્સ ટીમના કેપ્ટન સંજુ સેમસને ટોસ જીતીને પહેલા બોલિંગ કરવાનો નિર્ણય લીધો હતો. આ મેચમાં પ્રથમ બેટિંગ કરતા દિલ્હી કેપિટલ્સની ટીમે 20 ઓવરમાં 188 રન બનાવ્યા હતા. દિલ્હી તરફથી અભિષેક પોરેલે 49 રનની ઇનિંગ રમી, જ્યારે કેએલ રાહુલે 38 રન બનાવ્યા. આ ઉપરાંત ટ્રિસ્ટન સ્ટબ્સ અને અક્ષર પટેલે પણ 38 રનની ઇનિંગ્સ રમી હતી. રાજસ્થાન તરફથી બોલિંગ કરતી વખતે, જોફ્રા આર્ચરે 2 વિકેટ લીધી. રાજસ્થાન રોયલ્સ પણ 20 ઓવરમાં ફક્ત 188 રન બનાવી શક્યા, ત્યારબાદ મેચ સુપર ઓવરમાં ગઈ, રાજસ્થાને દિલ્હીને 12 રનનો ટાર્ગેટ આપ્યો, જે દિલ્હીએ માત્ર 4 બોલમાં જ મેળવી લીધો.
દિલ્હીએ સુપર ઓવરમાં રાજસ્થાનને હરાવ્યું
દિલ્હી કેપિટલ્સ અને રાજસ્થાન રોયલ્સ વચ્ચે રમાયેલી મેચમાં, દિલ્હીએ સુપર ઓવરમાં રાજસ્થાનને હરાવ્યું. પ્રથમ બેટિંગ કરતા દિલ્હીએ 20 ઓવરમાં 5 વિકેટ ગુમાવીને 188 રન બનાવ્યા અને રાજસ્થાનને 189 રનનો લક્ષ્યાંક આપ્યો. જવાબમાં રાજસ્થાને 20 ઓવરમાં 4 વિકેટ ગુમાવીને માત્ર 188 રન જ બનાવી શક્યું અને મેચ ટાઇ થઈ ગઈ. સુપર ઓવરમાં, રાજસ્થાને પ્રથમ બેટિંગ કરી અને ૧૧ રન બનાવ્યા અને દિલ્હીને ૬ બોલમાં ૧૨ રન બનાવવાના હતા. દિલ્હીએ ફક્ત 4 બોલમાં મેચ જીતી લીધી છે. રાજસ્થાન ટીમ તરફથી યશસ્વી જયસ્વાલ અને નીતિશ રાણાએ સૌથી વધુ 51-51 રન બનાવ્યા છે, સંજુ સેમસન 31 રન અને ધ્રુવ જુરેલે 26 રન બનાવ્યા છે. દિલ્હી ટીમ તરફથી મિશેલ સ્ટાર્ક, કુલદીપ યાદવ અને અક્ષર પટેલે 1-1 વિકેટ લીધી.