Pakistan - પાકિસ્તાનના રાવલપિંડીમાં એક મહિલાએ એક સાથે 6 બાળકોને જન્મ આપ્યો છે. જેમાં 4 પુત્રો અને 2 પુત્રીઓ છે. તમામ બાળકો અને મહિલાઓ સ્વસ્થ છે. ડોકટરોનું કહેવું છે કે દર કરોડમાંથી એક મહિલાને સેક્સટુપ્લેટ એટલે કે એકસાથે 6 બાળકો હોય છે.જિયો ન્યૂઝના રિપોર્ટ અનુસાર, ઝીનત નામની મહિલાને લેબર
પેઈનને કારણે ગુરુવારે રાત્રે હોસ્પિટલમાં દાખલ કરવામાં આવી હતી. તેનો પતિ વાહીદ પણ તેની સાથે હતો. જ્યાં લાંબા ઓપરેશન બાદ મહિલાએ 6 બાળકોને જન્મ આપ્યો હતો. દરેક બાળકનું વજન 2 પાઉન્ડથી ઓછું હતું. આથી તમામ બાળકોને હાલમાં ICUમાં રાખવામાં આવ્યા છે.
ડિલિવરી સરળ ન હતી
ડૉક્ટરોએ જણાવ્યું કે આ કોઈ નોર્મલ ડિલિવરી નથી, તેમાં ઘણી બધી કોમ્પ્લીકેશન્સ હતી. 6 બાળકોને જન્મ આપનારી ઝીનતને પણ કેટલીક સમસ્યાઓનો સામનો કરવો પડ્યો હતો, પરંતુ થોડા દિવસોમાં સ્થિતિ સામાન્ય થઈ જશે.
સેક્સટુપ્લેટ્સ શું છે?
VerywellFamily.com અનુસાર, સેક્સટુપ્લેટ્સ એ એક જ જન્મ સમયે જન્મેલા છ બાળકોનું જૂથ છે. આ ખૂબ જ મુશ્કેલ પ્રક્રિયા છે. રિપોર્ટ અનુસાર, 4.7 બિલિયન લોકોમાંથી માત્ર એક જ સેક્સટ્યુપલેટ ધરાવે છે.
ડોક્ટરો પણ ખુશ છે
લેબર રૂમમાં તૈનાત ડોક્ટરે જણાવ્યું કે આ કોઈ નોર્મલ ડિલિવરી નથી, તેમાં ઘણી તકલીફો હતી. બાળકોને જન્મ આપ્યા બાદ ઝીનતને કેટલીક સમસ્યાઓનો સામનો કરવો પડ્યો છે, પરંતુ થોડા દિવસોમાં સ્થિતિ સામાન્ય થઈ જશે. આ ચમત્કાર બાદ ડોક્ટર્સ અને સ્ટાફ ખૂબ જ ખુશ છે. ડૉક્ટરે કહ્યું, આખરે ભગવાને માતા અને બાળકોનો જીવ બચાવ્યો.