WI vs IND: અશ્વિનનો રેકોર્ડ પંચ, યશસ્વી અને રોહિતની સારી શરૂઆત, જાણો પહેલા દિવસે શું થયું ?

R ashwin

WI vs IND - ભારત અને વેસ્ટ ઈન્ડિઝ વચ્ચે 12 જુલાઈથી બે મેચની ટેસ્ટ શ્રેણી શરૂ થઈ ગઈ છે. સિરીઝની પ્રથમ ટેસ્ટ મેચ ડોમિનિકાના વિન્ડસર પાર્કમાં રમાઈ રહી છે. આ મેચના પ્રથમ દિવસે કેરેબિયન કેપ્ટન ક્રેગ બ્રેથવેટે ટોસ જીતીને પ્રથમ બેટિંગ કરવાનો નિર્ણય કર્યો હતો. પરંતુ ભારતીય બોલરોએ તેનો નિર્ણય ખોટો સાબિત કર્યો હતો. ખાસ કરીને ટેસ્ટ ક્રિકેટમાં 33મી વખત પાંચ વિકેટ ઝડપનાર ભારતીય સ્પિનર ​​રવિચંદ્રન અશ્વિન અને રવિન્દ્ર જાડેજાએ પણ ત્રણ કેરેબિયન ખેલાડીઓને પેવેલિયન પરત મોકલ્યા હતા. રવિચંદ્રન અશ્વિને પોતાની પાંચ વિકેટ લઈને પાંચ મોટા રેકોર્ડ બનાવ્યા. બીજી તરફ, યશસ્વી જયસ્વાલે સુકાની રોહિત શર્મા સાથે ઇનિંગની શરૂઆત કરી અને 16માં બોલ પર ખાતું ખોલ્યા બાદ સારા ટચમાં જોવા મળ્યા.

અશ્વિનના 5 વિકેટના બન્યા પાંચ મોટા રેકોર્ડ  

-  રવિચંદ્રન અશ્વિન ભારત તરફથી સૌથી વધુ 95 ટેસ્ટ વિકેટ લેનાર બોલર બન્યો હતો.

- અશ્વિન ટેસ્ટ ક્રિકેટમાં પિતા-પુત્રની જોડીને આઉટ કરનાર પ્રથમ ભારતીય બન્યો હતો.

- ટેસ્ટ ક્રિકેટમાં અશ્વિને 33મી વખત પાંચ વિકેટ લઈને જેમ્સ એન્ડરસન (32)ને પાછળ છોડી દીધો.

- અલઝારી જોસેફને આઉટ કરીને, અશ્વિને તેની 700 આંતરરાષ્ટ્રીય વિકેટ પૂરી કરી, અનિલ કુંબલે અને હરભજન સિંહ પછી આવું કરનાર ત્રીજો ભારતીય બોલર બન્યો.

- ભારત અને વેસ્ટ ઈન્ડિઝ વચ્ચેની ટેસ્ટમાં અશ્વિનની આ પાંચમી પાંચ વિકેટ હતી, મેલ્કમ માર્શલ 6 વિકેટ સાથે સૌથી આગળ છે. સાથે જ  અશ્વિને કેરેબિયન લેન્ડ પર ત્રીજી વખત પાંચ વિકેટ ઝડપી હતી

<

33rd five-wicket haul in Tests! @ashwinravi99 makes merry in Dominica & how!

Scorecard https://t.co/FWI05P4Bnd #TeamIndia | #WIvIND pic.twitter.com/H3y1wH2czp

— BCCI (@BCCI) July 12, 2023 >

યશસ્વી જયસ્વાલે 16માં બોલ પર ખાતું ખોલાવ્યું  

પ્રથમ દિવસના ત્રીજા સેશનમાં વેસ્ટ ઈન્ડિઝની ટીમ 64.3 ઓવર રમીને માત્ર 150 રનમાં જ સમેટાઈ ગઈ હતી. આ પછી, યશસ્વી જયસ્વાલ ભારત માટે ટેસ્ટ ક્રિકેટમાં પ્રથમ વખત બેટિંગ કરવા આવ્યો અને તેની સાથે કેપ્ટન રોહિત શર્મા પણ હતો. યશસ્વી થોડો નર્વસ દેખાતો હતો અને પ્રથમ 15 બોલમાં ખાતું ખોલાવી શક્યો નહોતો. આ પછી, 16માં બોલ પર તેણે અલ્ઝારી જોસેફ પર ચોગ્ગો ફટકારીને પોતાનું ખાતું ખોલ્યું. તે પછી તે સારા ટચમાં જોવા મળ્યો અને આ જોડીએ પહેલી જ મેચમાં અડધી સદીની ભાગીદારી નોંધાવી. પ્રથમ દિવસના અંત સુધી ભારતનો સ્કોર 23 ઓવર પછી વિના નુકશાન 80 રન હતો.  સ્ટમ્પ સુધી યશસ્વી 40 રને અને કેપ્ટન રોહિત શર્મા 30 રને અણનમ રહ્યા હતા.

<

50-run stand! #TeamIndia off to a solid start, courtesy Captain @ImRo45 & debutant @ybj_19

Follow the match https://t.co/FWI05P4Bnd #WIvIND pic.twitter.com/ys9kkbWh93

— BCCI (@BCCI) July 12, 2023 >