દક્ષિણ આફ્રિકાના યુગાન્ડાથી અમદાવાદ આવેલા યુવક-યુવતીના શરીરમાંથી કાઢેલી 165 કેપ્સ્યૂલમાં 1.8 કિલો હેરોઇન મળ્યું છે. સીટી સ્કેનમાં બંનેના પેટમાં કેપ્સ્યૂલ દેખાઈ હતી. જેને સોલા સિવિલમાં એનિમા આપીને કાઢી લેવાઈ હતી.
અમદાવાદ એરપોર્ટ પરથી ડીઆરઆઈએ યુગાન્ડાના બે મુસાફરોની અટકાયત કરી તેમના પેટમાંથી 165 કેપ્સ્યૂલમાં 1.811 કિલો હેરોઇન ડ્રગ્સ જપ્ત કર્યું છે.
ડિરેક્ટોરેટ ઓફ રેવન્યુ ઇન્ટેલિજન્સ (ડીઆરઆઈ)ને મળેલી બાતમીના આધારે 13 ફેબ્રુઆરીએ શારજહાં થઈ એન્ટેબે એરપોર્ટથી અમદાવાદ આવેલા યુગાન્ડાનો એક પુરુષ પકડાયો હતો. તપાસમાં તેના શરીરમાં નાની નાર્કોટિક્સ ડ્રગ્સની કેપ્સ્યૂલ્સ હોવાનું બહાર આવ્યું હતું.