Walkie-talkies Blast - લેબનોનમાં હવે વોકી-ટોકીમાં વિસ્ફોટ, 9 નાં મોત, 300 થી વધુ લોકો ઘાયલ

Walkie-talkies Blast in Lebanon: લેબનોનમાં મંગળવારે પેજરમાં થયેલા વિસ્ફોટો બાદ બુધવારે વોકી-ટોકીમાં વિસ્ફોટ થયા છે. ઘટનાસ્થળે એસોસિએટેડ પ્રેસના પત્રકારોના જણાવ્યા અનુસાર, બુધવારે ત્રણ હિઝબોલ્લાહ સભ્યો અને એક બાળકના અંતિમ સંસ્કારના સ્થળે બહુવિધ વિસ્ફોટ થયા હતા. પેજર બ્લાસ્ટમાં એક દિવસ પહેલા મૃત્યુ પામેલા લોકોના અંતિમ સંસ્કાર કરવામાં આવી રહ્યા હતા.  લેબનોનના સ્વાસ્થ્ય મંત્રાલયે કહ્યું છે કે વોકી-ટોકીમાં થયેલા વિસ્ફોટોમાં 9 લોકોના મોત થયા છે જ્યારે 300થી વધુ લોકો ઘાયલ થયા છે. દક્ષિણના દરિયાકાંઠાના શહેર સિડોનમાં એક એપી ફોટોગ્રાફરે વિસ્ફોટોથી નુકસાન પામેલી કાર અને મોબાઈલ ફોનની દુકાન જોઈ. લેબનોનની સત્તાવાર સમાચાર એજન્સી અહેવાલ આપે છે કે બેરૂત અને દક્ષિણ લેબનોનના કેટલાક વિસ્તારોમાં ઘરોમાં સૌર ઊર્જા પ્રણાલીઓ વિસ્ફોટ થઈ છે.

ઘણા વિસ્તારોમાં વિસ્ફોટની સૂચના 

હિઝબુલ્લાહના અલ મનાર ટીવીએ લેબનોનના કેટલાક વિસ્તારોમાં વિસ્ફોટના અહેવાલ આપ્યા છે. વિસ્ફોટની નવી ઘટનાઓ બાદ લેબેનોનમાં ફરી એકવાર ગભરાટનો માહોલ છે.  હિઝબુલ્લાહના એક અધિકારીએ ઓળખ ન આપવાનો ઇનકાર કરતા ધ એસોસિએટેડ પ્રેસને જણાવ્યું હતું કે વિસ્ફોટો જૂથ દ્વારા ઉપયોગમાં લેવાતી વોકી-ટોકી પર થયો હતો. લેબનીઝ સુરક્ષા અધિકારીઓનું કહેવું છે કે વિસ્ફોટોને કારણે જે વોકી-ટોકી છે તે હિઝબુલ્લાહ દ્વારા પેજર્સ સાથે ખરીદવામાં આવી હતી.

<

#BREAKING: Hundreds of fresh explosions being reported across Lebanon, 24 hours after over 4000 pagers exploded killing 12 and injuring over 3000 Hezbollah terrorists. Fresh explosions are now taking place in hand-held Walkie-Talkie VHF sets used by Hezbollah terrorists. pic.twitter.com/oVLpMLcIxD

— Aditya Raj Kaul (@AdityaRajKaul) September 18, 2024 >

આમાંથી એક વિસ્ફોટ હિઝબુલ્લાહ સાંસદ અલી અમ્મરના પુત્રના અંતિમસંસ્કાર દરમિયાન થયો હતો. 17 સપ્ટેમ્બરે પેજરમાં થયેલા બ્લાસ્ટમાં તેનું મોત થયું હતું. લેબેનાનમાં હિઝબુલ્લાહ લડવૈયાઓ એકબીજા સાથે વાતચીત કરવા માટે આ વોકી-ટોકીનો ઉપયોગ કરે છે.

આ વોકી ટોકીનું નામ ICOM V 82 છે, જે જાપાનમાં બનેલ છે. મધ્ય પૂર્વમાં તણાવ વચ્ચે લેબેનાનમાં આ બીજો મોટો ટેક્નોલોજીકલ હુમલો છે. આ પહેલા બ્રિટિશ ન્યૂઝ એજન્સી રોઈટર્સે પોતાના રિપોર્ટમાં દાવો કર્યો હતો કે, ઈઝરાયલની ગુપ્તચર સંસ્થા મોસાદે હિઝબુલ્લાહના 5000 પેજરમાં વિસ્ફોટકો લગાવ્યા હતા.

પેજરમાં થયા હતા  વિસ્ફોટ

ઉલ્લેખનિય છે  કે આ પહેલા મંગળવારે લેબનોનની રાજધાની બેરૂત સહિત સીરિયામાં ઘણી જગ્યાએ પેજરમાં વિસ્ફોટ થયા હતા. પેજરમાં થયેલા વિસ્ફોટોમાં આઠ વર્ષની બાળકી સહિત ઓછામાં ઓછા નવ લોકો માર્યા ગયા હતા અને લગભગ 3,000 લોકો ઘાયલ થયા હતા. એક અમેરિકન અધિકારીએ નામ ન આપવાની શરતે જણાવ્યું હતું કે ઈઝરાયેલે ઓપરેશન સમાપ્ત થયા બાદ અમેરિકાને આ અંગે જાણ કરી હતી. હિઝબુલ્લાએ પેજર બ્લાસ્ટ માટે ઈઝરાયેલને જવાબદાર ઠેરવ્યું છે અને બદલો લેવાની ધમકી આપી છે.