રાજ્યમાં તેજ ગતિએ ચાલતા વાહનોનો કહેર યથાવત છે. આ રીતે બેદરકારીથી ચાલતા વાહનોને કારણે અનેક માસુમ લોકો અકાળે મોતને ભેટે છે. આવી જ એક ઘટના સુરેન્દ્રનગરમાં બની છે. સુરેન્દ્રનગરના લીંબડી-રાજકોટ હાઈવે પર હિટ એન્ડ રનની ઘટના સામે આવી છે. છાલયા તલાવ નજીક અકસ્માત સર્જાયો હતો. કાર ચાલકે અજાણ્યા વાહન સાથે ભટકાતા અકસ્માત સર્જાયો હતો. આ અકસ્માતમાં ઘટના સ્થળે જ 2 લોકોના મોત થયા છે. અજાણ્યાં વાહન ચાલક અકસ્માત કરી ફરાર થઈ ગયા હતા. જામનગરથી ગાંધીનગર જતાં હતાં ત્યારે લીંબડી નજીક અકસ્માત સર્જાયો હતો. પોલીસ ઘટનાસ્થળે પહોંચી તપાસ હાથ ધરી છે.