Madhya Pradesh Traffic Police Viral Video: મધ્યપ્રદેશના જબલપુરમાં પોલીસ દ્વારા ચલાવવામાં આવી રહેલા હેલ્મેટ ચેકિંગ અભિયાન દરમિયાન એક વિચિત્ર ઘટના સામે આવી છે. વિજયનગર પોલીસ સ્ટેશન વિસ્તારમાં હેલ્મેટ વગર વાહન ચલાવનારાઓને પોલીસ પકડી રહી છે.
હેલ્મેટ ન પહેરવા બદલ પોલીસકર્મીઓએ મહિલાને રોકી ત્યારે શું થયું? જ્યારે પોલીસ અધિકારીએ મહિલા વિરૂદ્ધ ચલણની કાર્યવાહી કરી ત્યારે તે પોતાનો ગુસ્સો ગુમાવી બેઠી અને જોરથી બૂમો પાડવા લાગી.
ક્યારેક તે સ્ત્રી ખૂબ જ જોરથી ચીસો પાડતી તો ક્યારેક તે જોર જોરથી રડવા લાગી. ક્યારેક તે પોલીસ ઓફિસર પાસે જાય છે તો ક્યારેક પસાર થતા લોકોને રોકે છે અને રડવા લાગે છે. આ હાઈવોલ્ટેજ ડ્રામા જોઈને લોકો પણ ચોંકી ઉઠ્યા હતા. મામલો વધતો જોઈને પોલીસ અધિકારીએ પોતાનો બચાવ કરવાનું યોગ્ય માન્યું અને હાથ જોડી દીધા. હંગામાનો વીડિયો સોશિયલ મીડિયા પર વાયરલ થઈ રહ્યો છે.