Blood In Burger : ખાદ્યપદાર્થોમાં અનેક અણગમતી વસ્તુઓ મળી આવતાં ખળભળાટ મચી ગયો છે. તાજેતરમાં જ મુંબઈમાં એક મહિલાના આઈસ્ક્રીમમાં માનવ આંગળી મળી આવી હતી, નોઈડામાં કીડો મળી આવ્યો હતો અને ખોરાકમાં જીવતા કીડા મળી આવ્યા હોવાના અનેક કિસ્સા પ્રકાશમાં આવ્યા છે.
હવે વધુ એક કિસ્સો પ્રકાશમાં આવ્યો છે, જેમાં એક છોકરીને ખાવા માટે બર્ગર આપવામાં આવ્યું હતું, જેમાં લોહી હતું.
મામલો ન્યુયોર્કનો છે. અહીં એક મહિલા તેની પુત્રી સાથે બર્ગર ખાવા આવી હતી. ટિફન ફ્લોયડ નામની મહિલાએ જણાવ્યું કે તે તેની 4 વર્ષની પુત્રી સાથે બર્ગર ખાવા આવી હતી. મહિલાએ તેની પુત્રી માટે કેચઅપ વિના બર્ગરનો ઓર્ડર આપ્યો હતો, પરંતુ જ્યારે બર્ગર આવ્યો ત્યારે યુવતીએ તેની માતાને ફરિયાદ કરી. જ્યારે માતાએ બર્ગરમાં કેચઅપ ચેક કર્યું તો તે ચોંકી ગઈ.
કેચપ જોઈને બાળકીએ કરી ફરિયાદ
હકીકતમાં બાળકી જેને કેચપ કહીને તેની ફરિયાદ કરી હતી તે કેચપ નહી પણ માણસનો લોહી હતો. નાની છોકરીને લાગ્યું કે તે કેચઅપ છે. જ્યારે મહિલાએ તપાસ કરી તો તે કેચઅપને બદલે લોહી હોવાનું કન્ફર્મ થયું. આટલું જ નહીં, તેની પુત્રીના ફ્રાઈસ પર પણ લોહીના છાંટા પડ્યા હતા. મહિલા ડરી ગઈ અને તેણે આ અંગે ફરિયાદ કરી.
મહિલા તેના બાળકની તબિયતને લઈને ખૂબ જ ચિંતિત બની ગઈ હતી અને તેણે તેની પુત્રીનું બ્લડ ટેસ્ટ કરાવવા ડૉક્ટરનો સંપર્ક કર્યો હતો. ડોક્ટરે કહ્યું કે બાળકીની તપાસ કરવામાં 30 દિવસનો સમય લાગશે. ત્યારે જ ખબર પડશે કે બાળકના ખોરાકમાં જે લોહી ભેળવવામાં આવ્યું હતું તે ચેપી નથી.