હિન્દુ ધર્મમાં શ્રી કૃષ્ણ જન્માષ્ટમીના તહેવારનું વિશેષ મહત્વ છે. આ વર્ષે જન્માષ્ટમીનો તહેવાર 6 સપ્ટેમ્બર 2023, બુધવારના રોજ છે. કેલેન્ડર મુજબ, શ્રી કૃષ્ણ જન્માષ્ટમી ભાદ્રપદ મહિનાના કૃષ્ણ પક્ષની અષ્ટમી તિથિએ ઉજવવામાં આવે છે. એવું માનવામાં આવે છે કે જન્માષ્ટમીનું વ્રત કરવાથી ભક્તોના જીવનમાંથી તમામ પરેશાનીઓ દૂર થઈ જાય છે. ભગવાન શ્રીકૃષ્ણના આશીર્વાદથી નિઃસંતાન સ્ત્રીઓને સંતાન પ્રાપ્ત થાય છે. આ વર્ષે જન્માષ્ટમીના દિવસે ઘણા વર્ષો પછી આવો સંયોગ બન્યો છે જે બહુ જ દુર્લભ છે. શ્રીમદ ભાગવત પુરાણ અનુસાર, ભગવાન કૃષ્ણનો જન્મ ભાદ્રા કૃષ્ણ અષ્ટમી તિથિ, બુધવારે, મધ્યરાત્રિએ રોહિણી નક્ષત્ર અને વૃષભ રાશિમાં થયો હતો. ભાદ્રપદની અષ્ટમી તિથિ 6 સપ્ટેમ્બર, બુધવારે બપોરે 3.28 કલાકે શરૂ થઈ રહી છે. બીજી તરફ અષ્ટમી તિથિની પૂર્ણાહુતિ બીજા દિવસે 7 સપ્ટેમ્બરને ગુરુવારે સાંજે 7.15 કલાકે થશે.
જાણો ક્યારે ઊજવાશે જન્માષ્ટમી
જ્યોતિષ મુજબ જન્માષ્ટમી વ્રત 6 સપ્ટેમ્બરે જ રાખવામાં આવશે. બીજી તરફ વૈષ્ણવ સંપ્રદાયના લોકો 7 સપ્ટેમ્બરે શ્રી કૃષ્ણ જન્માષ્ટમીનો તહેવાર ઉજવશે. માન્યતા અનુસાર આ વખતે શ્રી કૃષ્ણની 5250મી જન્માષ્ટમી ઉજવવામાં આવશે. કહેવાય છે કે શુભ સમયે કાનુડાની પૂજા કરવાથી અનેક ગણું વધારે શુભ ફળ મળે છે.
જન્માષ્ટમી 2023નો શુભ મુહુર્ત
જન્માષ્ટમી તિથિ બુધવાર, 6 સપ્ટેમ્બર 2023 ના રોજ બપોરે 03:37 વાગ્યે શરૂ થશે