MI vs DC: IPL 2023 16મી મેચ મુંબઈ ઈન્ડિયન્સ અને દિલ્હી કેપિટલ્સ વચ્ચે રમાઈ હતી. આ મેચમાં મુંબઈ ઈન્ડિયન્સના કેપ્ટન રોહિત શર્માએ ટોસ જીતીને પહેલા બોલિંગ કરવાનો નિર્ણય કર્યો હતો. દિલ્હી કેપિટલ્સે મુંબઈને જીતવા માટે 173 રનનો ટાર્ગેટ આપ્યો હતો જે મુંબઈએ 4 વિકેટ ગુમાવીને હાંસલ કરી લીધો હતો. મુંબઈ માટે 2 સ્ટાર ખેલાડીઓનું શાનદાર પ્રદર્શન કર્યું.
મુંબઈ ઈન્ડિયન્સ જીત્યું
મુંબઈ ઈન્ડિયન્સ માટે રોહિત શર્મા અને ઈશાન કિશને શાનદાર શરૂઆત કરી હતી. રોહિત શર્માએ 45 બોલમાં 65 રન બનાવ્યા જેમાં 6 ફોર અને 4 લાંબી સિક્સ સામેલ હતી. સંકલનના અભાવે ઈશાન કિશન રનઆઉટ થયો હતો. તેણે 31 રનની ઇનિંગ રમી હતી. આ સિવાય ત્રીજા નંબરે ઉતરેલા તિલક વર્માએ 41 રન બનાવ્યા હતા. સ્ટાર બેટ્સમેન સૂર્યકુમાર યાદવ ફરી એકવાર ખાતું પણ ખોલી શક્યો ન હતો અને કોઈ રન બનાવ્યા વગર આઉટ થઈ ગયો હતો. કેમેરોન ગ્રીન અને ટિમ ડેવિડે જોડી બનાવી છેલ્લી ઓવરમાં મુંબઈને જીત અપાવી હતી. મુંબઈ ઈન્ડિયન્સ માટે કેપ્ટન રોહિત શર્મા અને પીયૂષ ચાવલાએ શાનદાર પ્રદર્શન કર્યું અને આ ખેલાડીઓ મુંબઈ માટે સૌથી મોટા મેચ વિનર તરીકે ઉભરી આવ્યા.