કોણ છે યશ દયાલ જેના બોલ પર રિંકુએ 5 સિક્સ ફટકારી? એક મેચ પછી જ બની ગયા ગુજરાત ફેન્સના વિલન

IPL 2023ની 13મી મેચમાં ગુજરાત ટાઈટન્સની ટીમ કોલકાતા નાઈટ રાઈડર્સ સામે હતી. આ મેચમાં કેકેઆરRના સ્ટાર બેટ્સમેન રિંકુ સિંહે શું કર્યું તે હવે આખી દુનિયા જાણે છે. આ મેચમાં 20મી ઓવર પહેલા જે થયું તેનાથી કદાચ કોઈને કોઈ ફરક નથી પડતો, પરંતુ મેચના છેલ્લા 5 બોલ પર રિંકુએ જે કર્યું તે તો ક્રિકેટમાં રસ ન ધરાવતા લોકો પણ જાણી ગયા છે. તેમ છતાં જણાવી દઈએ કે આ ઓવરના છેલ્લા 5 બોલ પર કેકેઆરને 28 રનની જરૂર હતી અને રિંકુએ સતત 5 છગ્ગા ફટકારીને પોતાની ટીમને જીત અપાવી.

Yes Rinku Singh did the unthinkable. He played great shots in the last over. But to be frank the bowling was absolutely rubbish. Yash Dayal should be dropped from Team for a season if not more for this crime. #KKRvsGTpic.twitter.com/kbyXxGa2EB

— Crypto Cricketer (@cricketcoast) April 9, 2023

આ 5 બોલ પછી આખી દુનિયાને ખબર પડી ગઈ કે રિંકુ સિંહ કોણ છે. તેઓ ક્યાંના છે, પારિવારિક પૃષ્ઠભૂમિ શું છે અને તેમની સાથે સંબંધિત બધી બાબતો. પરંતુ અમે તમને તે ખેલાડી વિશે જણાવવા જઈ રહ્યા છીએ જેને આ મેચ પછી રિંકુ જેવો જ હાઈપ મળ્યો, પણ પાંચ સિક્સર મારવા માટે નહીં, આપવા માટે.  અમે વાત કરી રહ્યા છીએ IPL ઇતિહાસના સૌથી જાણીતા બોલર યશ દયાલની. ગઈ કાલની મેચ બાદ ક્રિકેટ ફેન્સના મનમાં આ સવાલ તો આવ્યો જ હશે કે કોણ છે યશ?  

5 સિક્સર આપનારા યશ દયાલ કોણ છે?

ડાબોડી ફાસ્ટ બોલર યશ દયાલને આઇપીએલ 2022 પહેલા યોજાયેલી મેગા ઓક્શનમાં 3 કરોડ 20 લાખની મોટી રકમમાં ગુજરાત ટાઇટન્સની ટીમમાં સામેલ કરવામાં આવ્યો હતો. મોટી રકમ એટલા માટે પણ કે યશ હજુ પણ અનકેપ્ડ ખેલાડી છે. યશે અપેક્ષા મુજબનું પ્રદર્શન કર્યું અને ગત સિઝનમાં માત્ર 9 મેચમાં 11 વિકેટ લઈને ગુજરાતને ચેમ્પિયન બનાવવામાં મહત્વની ભૂમિકા ભજવી હતી. યશ ઉત્તર પ્રદેશના પ્રયાગરાજનો રહેવાસી છે. યશના પિતા ચંદ્રપાલ પણ તેમના સમયના સારા ફાસ્ટ બોલર હતા. આટલું જ નહીં, આઇપીએલ 2022માં તેના શાનદાર પ્રદર્શન બાદ આ બોલરને બાંગ્લાદેશ પ્રવાસ માટે ભારતીય ટીમમાં પસંદ કરવામાં આવ્યો હતો. જોકે યશને ડેબ્યૂ કરવાની તક મળી શકી ન હતી.

રિંકુ સિંહ સાથે પણ સારી દોસ્તી 

યશ અને રિંકુ ચોક્કસપણે IPLમાં અલગ-અલગ ટીમો માટે રમે છે, પરંતુ તેઓ સ્થાનિક ક્રિકેટમાં યુપીની ટીમ માટે સાથે રમે છે. જણાવી દઈએ કે રિંકુ પણ યુપીના અલીગઢ જિલ્લાની રહેવાસી છે. યશ અને રિંકુ ઘણા સારા મિત્રો છે અને લાંબા સમયથી સાથે રમે છે. ઘણીવાર આ બંને સોશિયલ મીડિયા પર એકબીજા સાથે ફોટો શેર કરતા જોવા મળે છે.

શાનદાર રહ્યુ છે કરીયર 

યશ દયાલને ઘરેલુ ક્રિકેટમાં શાનદાર પ્રદર્શન બાદ જ IPLમાં મોટી રકમ મળી હતી. યુપી તરફથી રમતા આ ખેલાડીએ 17 ફર્સ્ટ ક્લાસ મેચમાં 58 વિકેટ ઝડપી છે. જેમાંથી યશે લિસ્ટ A ક્રિકેટમાં 14 મેચમાં 23 વિકેટ ઝડપી છે. તે જ સમયે, T20 ક્રિકેટમાં, આ બોલરે 33 મેચમાં 8 થી ઉપરના ઇકોનોમી રેટથી 29 વિકેટ લીધી છે. પરંતુ રવિવારે કેકેઆર સામે, યશ તેની કારકિર્દીની કદાચ સૌથી ખરાબ મેચ રમ્યો. આ બોલરે 4 ઓવરના સ્પેલમાં કોઈ વિકેટ લીધા વિના 69 રન આપી દીધા.