Russia Ukraine War: મોસ્કોમા થયો મોટો હુમલો, બોમ્બ ધમાકાથી કરી નાખી પુતિનના જનરલની હત્યા

Moscow car bomb attack

Moscow Car Bomb Attack: રશિયાની રાજધાની મોસ્કોમાં એક કારમાં વિસ્ફોટ થયો છે. આ વિસ્ફોટમાં રાષ્ટ્રપતિ વ્લાદિમીર પુતિનના વરિષ્ઠ જનરલના મોત થયાના અહેવાલ છે. કાર ટક્કર મારી ત્યારે ૫૯ વર્ષીય રશિયન લેફ્ટનન્ટ જનરલ યારોસ્લાવ મોસ્કાલિક ત્યાંથી પસાર થઈ રહ્યા હતા. વિસ્ફોટને કારણે કાર હવામાં ઘણા મીટર ઉછળી ગઈ. વિસ્ફોટ પછી, ઘટનાસ્થળે IED ના ઉપયોગના પુરાવા મળી આવ્યા હતા.

<

BREAKING: Major General Yaroslava Moskalik, Deputy Chief of the Russian General Staff's Main Operational Directorate, was killed as he passed by an IED planted in a Volkswagen in Balashikha, Moscow region. https://t.co/dTXxnt8Qog pic.twitter.com/6wXD9aEl2Q

— Intel Tower (@inteltower) April 25, 2025 >

વિસ્ફોટમાં 2 લોકો ઘાયલ થયા

રશિયન કટોકટી સેવાઓનું કહેવું છે કે જપ્ત કરાયેલા વિસ્ફોટકોમાં 300 ગ્રામથી વધુ TNT જેટલી શક્તિ હતી. આ વિસ્ફોટમાં બે લોકો ગંભીર રીતે ઘાયલ પણ થયા છે. રશિયન મીડિયાનું કહેવું છે કે સ્થાનિક લોકોએ ઘણા વધુ વિસ્ફોટોના અવાજ પણ સાંભળ્યા છે. મોસ્કાલિક સશસ્ત્ર દળોના જનરલ સ્ટાફના મુખ્ય કામગીરી નિર્દેશાલયના ડેપ્યુટી ચીફ હતા.

ઇમારતોની તૂટેલી બારીઓ

વિસ્ફોટ કોણે કર્યો તે હજુ સ્પષ્ટ નથી. સ્થાનિક લોકોએ જણાવ્યું કે વિસ્ફોટ એટલો જોરદાર હતો કે નજીકની ઇમારતોની બારીઓ પણ તૂટી ગઈ. આ ઘાતક હુમલો એવા સમયે થયો છે જ્યારે યુએસ રાષ્ટ્રપતિ ડોનાલ્ડ ટ્રમ્પના ખાસ દૂત સ્ટીવ વિટકોફ પુતિનને મળવાના છે. યુક્રેન યુદ્ધનો અંત લાવવા માટે રશિયા સાથે બીજા રાઉન્ડની વાટાઘાટો માટે વિટકોફ મોસ્કોમાં છે.