પેશાવર: ઉત્તર-પશ્ચિમ પાકિસ્તાનમાં શનિવારે એક ઝડપી વાહન અચાનક સંતુલન ગુમાવીને ખાડામાં પડી ગયું. જેના કારણે તેમાં સવાર ઓછામાં ઓછા 7 લોકોના મોત થયા હતા. જ્યારે છ અન્ય ઘાયલ થયા છે. પોલીસે જણાવ્યું કે આ અકસ્માત ખૈબર પખ્તુનખ્વા પ્રાંતના બુનેર જિલ્લામાં થયો હતો જ્યારે વાહનની બ્રેક ફેલ થઈ ગઈ હતી અને તે કાબૂ બહાર જઈને ખાડામાં પડી ગઈ હતી.
બીજી તરફ, શનિવારે ખૈબર પખ્તુનખ્વા પ્રાંતમાં વધુ એક અકસ્માત થયો હતો. કહેવામાં આવી રહ્યું છે કે આ પ્રાંતમાં કેટલાક અજાણ્યા બંદૂકધારીઓએ સુરક્ષાદળોના બે અલગ-અલગ કાફલા પર હુમલો કરવાનું શરૂ કરી દીધું હતું. જેના કારણે સુરક્ષા દળોમાં ખળભળાટ મચી ગયો હતો. બંદૂકધારીઓના આ હુમલામાં એક અધિકારી સહિત 16 જવાનો ઘાયલ થયા હતા. તમામ ઘાયલોને હોસ્પિટલમાં દાખલ કરવામાં આવ્યા છે.
વઝિરિસ્તાનમાં હુમલો
પાકિસ્તાની અધિકારીઓએ જણાવ્યું કે બંદૂકધારીઓએ દક્ષિણ વઝીરિસ્તાન જિલ્લાના સરવેકાઈ વિસ્તારમાં સુરક્ષા દળોના કાફલા પર હુમલો કર્યો, જેમાં 11 સુરક્ષાકર્મીઓ ઘાયલ થયા.