CSk vs RCB
: IPL 2023 ચેન્નાઈ સુપર કિંગ્સ અને આરસીબી વચ્ચે 24મી મેચ રમાઈ હતી. આ મેચમાં RCBના કેપ્ટન ફાફ ડુ પ્લેસિસે ટોસ જીતીને પહેલા બોલિંગ કરવાનો નિર્ણય લીધો હતો, જે બિલકુલ ખોટો સાબિત થયો હતો. ચેન્નઈના બેટ્સમેનોએ શાનદાર રમત દેખાડી અને RCBને જીતવા માટે 228 રનનો ટાર્ગેટ આપ્યો, જે RCBની ટીમ કરી શકી નહીં અને 8 રનથી મેચ હારી ગઈ. CSK માટે ઘણા ખેલાડીઓએ શાનદાર રમત બતાવી.
આરસીબીનો થયો પરાજય
આરસીબીનો સ્ટાર બેટ્સમેન વિરાટ કોહલી મેચમાં કંઈ ખાસ બતાવી શક્યો નહોતો અને માત્ર 6 રન બનાવીને આઉટ થઈ ગયો હતો. તે જ સમયે, મહિપાલ લોમરોર પોતાનું ખાતું પણ ખોલી શક્યો ન હતો, પરંતુ 2 વિકેટ પડી ગયા બાદ આરસીબીના કેપ્ટન ફાફ ડુ પ્લેસિસ અને ગ્લેન મેક્સવેલે શાનદાર બેટિંગ કરી હતી. બંને બેટ્સમેનોએ આખા મેદાન પર સ્ટ્રોક ફટકાર્યા હતા. ડુ પ્લેસિસે 62 રન બનાવ્યા હતા. તે જ સમયે, મેક્સવેલ 76 રન બનાવીને આઉટ થયો હતો. આ બંને ખેલાડીઓના આઉટ થયા બાદ આરસીબીની બેટિંગ પત્તાની જેમ વેરવિખેર થઈ ગઈ હતી અને ત્યારપછીના બેટ્સમેનો મોટી ઈનિંગ્સ રમી શક્યા ન હતા. દિનેશ કાર્તિકે ચોક્કસપણે 28 રન બનાવ્યા હતા. સુયશ પ્રભુદેસાઈએ 19 રનનું યોગદાન આપ્યું હતું. શાહબાઝ અહેમદ માત્ર 12 રન જ બનાવી શક્યો હતો.
ચેન્નઈ સુપર કિંગ્સના તુષાર દેશપાંડેએ સૌથી વધુ 3 વિકેટ લીધી હતી. આકાશ સિંહે વિરાટ કોહલીની મોટી વિકેટ લીધી. મતિષા પથિરાનાએ 2 વિકેટ પોતાના નામે કરી હતી. આ સાથે જ મોઈન અલીને એક વિકેટ મળી હતી.
\\\
છેલ્લી ઓવરની શાનદાર બોલિંગ
આરસીબીની ટીમને છેલ્લી ઓવરમાં 18 રનની જરૂર હતી. ત્યારબાદ CSK તરફથી કેપ્ટન એમએસ ધોનીએ બોલ મતિષા પથિરાનાને આપ્યો. તેણે સારી બોલિંગ કરી. તેણે ઓવરમાં 10 રન આપ્યા અને છેલ્લા બોલે સુયશ પ્રભુદેસાઈની વિકેટ પણ લીધી.