બોલીવુડના મોસ્ટ પોપુલર કપલમાંથી એક હેમા માલિની અને ધર્મેન્દ્રએ ગુરુવાર, 2 મે 2024 ના રોજ તેમની 44મી એનિવર્સરી સેલિબ્રેટ કરી. દિગ્ગજ અભિનેત્રીએ પોતાના પતિ ધર્મેન્દ્ર સાથે તેની 44મી એનિવર્સરી કેટલીક સુંદર તસવીરો શેર કરી છે જે સોશિયલ મીડિયા પર વાયરલ થઈ રહી છે. બોલિવૂડની ડ્રીમ ગર્લ દ્વારા તેના X એકાઉન્ટ પર શેર કરવામાં આવેલી તસવીરોમાં તે હીમેન સાથે પોઝ આપતા જોવા મળી રહ્યા છે. એક તસવીરમાં દિગ્ગજ દંપતી પણ મોટા-મોટા હાર પહેરેલા જોવા મળે છે.
'શોલે' ની અભિનેત્રી હેમા માલિની આ તસવીરોમાં પિંક કલરની સાડી, લાલ બિંદી અને સિંદૂરમાં હંમેશાની જેમ ખૂબ જ સુંદર લાગી રહી છે. આ લુકને પુરૂ કરવા માટે અભિનેત્રીએ હેવી નેકલેસ પહેર્યો હતો જ્યારે કે ધર્મેન્દ્ર એ ડાર્ક પીચ કલરનો શર્ટ પહેરેલ જોવા મળ્યા હતા. આ તસવીરોમાં કપલનું ખૂબ જ સુંદર બોન્ડ જોઈ શકો છો. ઓન સ્ક્રીન જ નહીં પરંતુ ઓફ સ્ક્રીન પણ હેમા માલિની-ધર્મેન્દ્રની જોડી દર્શકો વચ્ચે આજે પણ હિટ છે.
બોલીવુડની ડ્રીમ ગર્લ અને હીમેનની પહેલી મુલાકાત 1970માં થઈ હતી જ્યારે તેઓ પોતાની ફિલ્મ તુમ હસીન મે જવાનુ શૂટિંગ કરી રહ્યા હતા. અનેક મુશ્કેલીઓ પછી કપલે 1980માં લગ્ન કરી લીધા. હેમા માલિની-ધર્મેન્દ્રની બે પુત્રીઓ છે, જેમનુ નામ ઈશા દેઓલ અને અહાના દેઓલ છે.