લખનૌના એકાના ક્રિકેટ સ્ટેડિયમ ખાતે 23 મેના રોજ, રોયલ ચેલેન્જર્સ બેંગ્લોરે સનરાઇઝર્સ હૈદરાબાદ સામે રમી હતી. આ મેચમાં RCB ને 42 રનથી મોટી હારનો સામનો કરવો પડ્યો હતો. મેચમાં પ્રથમ બેટિંગ કરતા હૈદરાબાદે 6 વિકેટ ગુમાવીને 231 રન બનાવ્યા હતા, જ્યારે RCB 19.5 ઓવરમાં 189 રન બનાવીને ઓલઆઉટ થઈ ગઈ હતી. આ મેચની ઘણી ક્ષણો સોશિયલ મીડિયા પર વાયરલ થઈ રહી છે. પરંતુ આમાં સૌથી વધુ ચર્ચાસ્પદ ક્ષણ એ છે જ્યારે બોલ વિરાટ કોહલીના હેલ્મેટ પર વાગે છે. આ અંગે અનુષ્કા શર્માની પ્રતિક્રિયા વાયરલ થઈ રહી છે.
વિરાટ કોહલીના હેલ્મેટ પર વાગ્યો બોલ
જેવી બોલ આવે છે અને વિરાટ કોહલીના હેલ્મેટ પર પડે છે, અનુષ્કા શર્માનું રિએક્શન પણ કેમેરામાં કેદ થઈ ગયુ હતું, જે દર્શાવે છે કે આ સમય દરમિયાન અભિનેત્રી ખૂબ જ નર્વસ હતી. અનુષ્કાના ચહેરાના હાવભાવ પરથી સ્પષ્ટ થઈ રહ્યું હતું કે બોલ વિરાટના હેલ્મેટ પર વાગ્યા પછી તે ખૂબ જ ડરી ગઈ હતી. તેની ઘણી વિડિઓ ક્લિપ્સ સોશિયલ મીડિયા પર વાયરલ પણ થઈ રહી છે.
વાયરલ ક્લિપમાં, કોહલીના હેલ્મેટ પર બોલ વાગતાની સાથે જ અનુષ્કા ખૂબ જ નર્વસ થઈ જાય છે. તેના ચહેરા પર ચિંતાના ભાવ સ્પષ્ટપણે જોઈ શકાય છે. એક સોશિયલ મીડિયા યુઝરે વિરાટના હેલ્મેટ પર બોલ વાગ્યા બાદ અનુષ્કાનો ફોટો શેર કર્યો અને લખ્યું, "વિરાટ કોહલીના હેલ્મેટ પર બોલ વાગ્યા પછી અનુષ્કા શર્મા ગભરાઈ ગઈ."
વિરાટ કોહલીનો ટેસ્ટ ક્રિકેટમાંથી સંન્યાસ
ઉલ્લેખનિય છે કે, વિરાટ કોહલી અને અનુષ્કા શર્મા છેલ્લા કેટલાક દિવસોથી સતત હેડલાઇન્સમાં છે. વિરાટ કોહલીએ 12 મેના રોજ ટેસ્ટ ક્રિકેટમાંથી નિવૃત્તિની જાહેરાત કરી હતી, ત્યારબાદ અનુષ્કાએ તેના પતિની નિવૃત્તિ પર ખૂબ જ ઈમોશનલ કમેન્ટ કરી હતી. આ પછી, આ કપલ વૃંદાવનમાં પ્રેમાનંદ મહારાજના આશ્રમમાં પહોંચ્યું, જ્યાં વિરાટ અને અનુષ્કાએ લાંબા સમય સુધી પ્રેમાનંદ મહારાજ સાથે વાત કરી
અનુષ્કા-વિરાટે 2017 માં કર્યા હતા લગ્ન
અનુષ્કા શર્મા ઘણીવાર વિરાટ કોહલીની મેચ જોવા જાય છે અને સ્ટેન્ડમાંથી તેના ક્રિકેટર પતિને ઉત્સાહિત કરવામાં કોઈ કસર છોડતી નથી. અનુષ્કા અને વિરાટે 2017 માં લગ્ન કર્યા હતા, તે પહેલાં બંનેએ લાંબા સમય સુધી એકબીજાને ડેટ કર્યા હતા. લગ્ન પછી, વિરાટ-અનુષ્કાએ 11 જાન્યુઆરી 2025 ના રોજ તેમની પુત્રીનું આ દુનિયામાં સ્વાગત કર્યું, જેનું નામ તેમણે વામિકા રાખ્યું અને પુત્ર અકાયનો જન્મ 15 ફેબ્રુઆરી 2024 ના રોજ થયો.