Cabinet Of Gujarat- આજે 23 મંત્રી લેશે શપથ, જેમાં 3 મહિલાઓ પણ સામેલ
ગુરુવાર, 16 સપ્ટેમ્બર 2021 (12:15 IST)
નવા મંત્રી મંડળમાં 23 જેટલા ધારાસભ્ય શપથ લેશે. જેમાં 3 મહિલાઓ પણ સામેલ છે. આ મહિલાઓ કોણ છે અને તેમને કયું ખાતું સોંપાશે તે મામલે સસ્પેન્સ છે. જોકે આજે બપોરે સમગ્ર ચિત્ર સ્પષ્ટ થશે. આજે ભુપેન્દ્ર પટેલ મંત્રીમંડળની શપથવિધિ થવાની છે. ત્યારે ધારાસભ્યોને ફોન કરીને મંત્રી બનવા માટે આમંત્રણ આપવામાં આવ્યું છે. ત્યારે હવે નવા મંત્રીમંડળમાં 6 કેબિનેટ મંત્રીઓને સ્થાન મળી શકે છે. જ્યારે અન્ય ધારાસભ્યોને રાજ્યકક્ષાના મંત્રી બની શકે છે.
સૂત્રોનું કહેવું છે કે ગુરુવારે 23 ધારાસભ્યો મંત્રી તરીકે શપથ લેશે અને તમામ નવા ચહેરા હશે. આ શપથગ્રહણ સમારોહ ગુરુવારે બપોરે 1.30 કલાકે થશે. આ પહેલા પણ કેબિનેટમાં મોટા પાયે ફેરબદલની ચર્ચા હતી, જેના પર આંતરિક વિવાદ થયો હતો.
