ગુજરાતમાં યોજાયેલી વિધાનસભાની ચૂંટણીમાં ભારતીય જનતા પાર્ટીએ 156 બેઠકો સાથે ઐતિહાસિક જીત સાથે સત્તામાં વાપસી કરી છે. ભૂપેન્દ્ર પટેલે સોમવારે બીજી વખત રાજ્યના મુખ્યમંત્રી તરીકે શપથ લીધા. ગાંધીનગરમાં યોજાયેલા શપથ ગ્રહણ સમારોહમાં વડાપ્રધાન નરેન્દ્ર મોદી, ગૃહમંત્રી અમિત શાહ, ભાજપ શાસિત રાજ્યોના મુખ્યમંત્રીઓ સહિત અનેક મહાનુભાવો હાજર રહ્યા હતા. ભૂપેન્દ્ર પટેલની સાથે 8 ધારાસભ્યોએ કેબિનેટ મંત્રી તરીકે શપથ લીધા છે. જ્યારે બે ધારાસભ્યોને સ્વતંત્ર હવાલો આપવામાં આવ્યો છે અને છને રાજ્યકક્ષાના મંત્રી બનાવવામાં આવ્યા છે. કનુભાઈ દેસાઈ રાજ્ય કેબિનેટમાં સૌથી વૃદ્ધ મંત્રી છે. હર્ષ સંઘવીને કેબિનેટમાં સૌથી યુવા મંત્રી તરીકે સામેલ કરવામાં આવ્યા છે.
કનુભાઈ દેસાઈ સૌથી ઉંમરલાયક મંત્રી
રાજ્યના નવા મંત્રીમંડળમાં કનુભાઈ દેસાઈનો સમાવેશ કરવામાં આવ્યો છે. કનુભાઈ દેસાઈ 71 વર્ષના છે, જે તેમને રાજ્યના નવા મંત્રીમંડળમાં સૌથી વરિષ્ઠ મંત્રી બનાવે છે. આ ઉપરાંત હર્ષ સંઘવીને રાજ્યકક્ષાના મંત્રી (સ્વતંત્ર હવાલો) બનાવવામાં આવ્યા છે. હર્ષ સંઘવી રાજ્યના સૌથી યુવા મંત્રી છે. હર્ષ સંઘવીની ઉંમર માત્ર 37 વર્ષની છે. ગુજરાતના નવા મંત્રીમંડળમાં એકમાત્ર મહિલા મંત્રી ભાનુબેન બાબરિયા 47 વર્ષના છે.
60 વર્ષ કે તેથી વધુ વયના 9 રાજ્ય મંત્રીઓ
બીજી વખત ગુજરાતના મુખ્યમંત્રી બનેલા ભૂપેન્દ્ર પટેલ 60 વર્ષના થઈ ગયા છે. તો કુંવરજી બાવળિયા નવા કેબિનેટમાં બીજા સિનિયર મંત્રી છે, જેઓ 67 વર્ષના છે. નવા રાજ્ય કેબિનેટમાં 60 વર્ષ કે તેથી વધુ ઉંમરના મંત્રીઓની સંખ્યા 9 છે. તો રાજ્ય કેબિનેટમાં 8 એવા મંત્રીઓ છે જેમની ઉંમર 60 વર્ષથી ઓછી છે. હર્ષ સંઘવી અને કુંવરજી હળપતિ એવા બે મંત્રીઓ છે જેમની ઉંમર 40 વર્ષથી ઓછી છે.
રાજ્ય મંત્રીમંડળની સરેરાશ ઉંમર 50.05 વર્ષ
ગુજરાતના નવા મંત્રીમંડળમાં મુખ્યમંત્રી ભૂપેન્દ્ર પટેલ સહિત કુલ 17 લોકોએ શપથ લીધા છે. એટલે કે રાજ્ય કેબિનેટમાં પણ યુવાનોને પ્રાથમિકતા આપવામાં આવી છે. કનુભાઈ દેસાઈ કેબિનેટમાં સૌથી વૃદ્ધ મંત્રી છે. જ્યારે હર્ષ સંઘવીને યુવા મંત્રી તરીકે સામેલ કરવામાં આવ્યા છે. એટલે કે રાજ્યના નવા મંત્રીમંડળની સરેરાશ ઉંમર 50.05 વર્ષ છે.