ગાંધીનગર મહાનગર પાલિકાની ચૂંટણીનું આજે પરિણામ આવ્યું છે. ચૂંટણી પ્રચાર દરમિયાન આમ આદમી પાર્ટી, કોંગ્રેસ અને ભાજપે એડીચોંટીનું જોર લગાવી દીધું હતું. પરંતુ આજે જેમ-જેમ પરિણામ આવતા ગયા તેમ તેમ કોંગ્રેસનો રકાસ જોવા મળ્યો તો આપનું સુરસુરિયું થયું છે. ભાજપે ઇતિહાસ રચ્યો છે. 10 વર્ષમાં પહેલીવાર ભાજપ બહુમતી મેળવી રહ્યું છે. મોટાભાગના વોર્ડમાં ભાજપની આખેઆખી પેનલ જીતી રહી છે.
ફરી લહેરાયો ભાજપનો ભગવો..!
ગાંધીનગર મનપામાં ભાજપ ભવ્ય જીત તરફ.., 27 બેઠકો પર જીત સાથે સ્પષ્ટ બહુમતી, વોર્ડ 1,4,5,7, 9 અને 10માં ભાજપનો ભવ્ય વિજય... કોંગ્રેસને માત્ર 2 બેઠક..!