ગાઝિયાબાદના નેશનલ હાઈવે પર અશ્લીલ સ્ટંટનો વીડિયો સામે આવ્યો છે. જેમાં યુવક અને યુવતી એકબીજાને હાથમાં ભરીને બાઇક ચલાવી રહ્યા છે. આ વીડિયો 20 જૂનની રાત્રે લગભગ 12:30 વાગ્યે દિલ્હી-મેરઠ એક્સપ્રેસવેની બાજુમાં આવેલા નેશનલ હાઈવે-9નો છે.
ગાઝિયાબાદનો ટુર ટ્રાવેલ ઓપરેટર સુધાંશુ પોતાની કારમાં ઘરે પરત ફરી રહ્યો હતો.
તેણે આ વીડિયો શૂટ કર્યો છે. ગાઝિયાબાદ ટ્રાફિક પોલીસે આ વીડિયોની નોંધ લીધી છે અને તપાસ શરૂ કરી છે. આ વીડિયો 20 જૂનની રાત્રે લગભગ 12:30 વાગ્યે નેશનલ હાઈવે-9નો છે. નેશનલ હાઈવે પર અશ્લીલ સ્ટંટ કરતા યુવકે યુવતીને બાઇકની આગળ બેસાડી તેજ સ્પીડમાં બાઇક હંકારી હતી.
વીડિયોમાં દેખાતા યુવક-યુવતીઓએ હેલ્મેટ પહેર્યા નથી. તેઓ ટ્રાફિકના નિયમોનું પણ ઉલ્લંઘન કરી રહ્યા છે. સીસીટીવી ફૂટેજ પરથી બાઇકનો નંબરની જાણ થઈ ગઈ છે. આ મામલે કડક કાર્યવાહી કરવામાં આવશે.