ઈમરાન ખાને પાકિસ્તાનના 22માં પ્રધાનમંત્રીના રૂપમાં શપથ લીધા. પૂર્વ ક્રિકેટરને દેશની નવી ચૂંટાયેલી સંસદે ગઈકાલે જ પોતાના નવા પ્રધાનમંત્રી તરીકે તેમને પસંદ ક અર્યા. પાકિસ્તાન તહરીક-એ-ઈંસાફ પ્રમુખ 65 વર્ષીય ખાન ગઈકાલે સામાન્ય બહુમતથી નવા પ્રધાનમંત્રી તરીકે પસંદગી પામ્યા. રાષ્ટ્રપતિ મમનૂન હુસૈને આજે તેમને ગોપનીયતાની શપથ અપાવી. ઉલ્લેખનીય છે કે દેશમાં 25 ઉઉલાઈના રોજ થયેલ સામાન્ય ચૂંટણીના ત્રણ અઠવાડિયા પછી તેમણે નવા પ્રધાનમંત્રી પદની શપથ લીધી. આ દરમિયાન ઈમરાનના શપથ ગ્રહણ સમારંભમાં સામેલ થવા માટે પૂર્વ ક્રિકેટર અને પંજાબના સ્થાનીક મંત્રી નવજોત સિંહ સિદ્ધુ પાકિસ્તાન પહોંચ્યા. તેઓ ઈમરાનને ભેટ સ્વરૂપ પશ્મીનાની શોલ આપી. સિદ્ધુ પાસે 15 દિવસનો વીઝા છે.
- ઈમરાન ખાનની ત્રીજી પત્ની બુશરા મનેકા ઈસ્લામાબાદમાં થઈ રહેલ શપથગ્રહણ સમારંભમાં ભાગ લેવા પહોંચી છે.
પાકિસ્તાન પીપુલ્સ પાર્ટી (પીપીપી)પાસે 54 બેઠકો છે. જે મતદાનમાં ભાગ નહીં લેવાના નિર્ણય બાદ 15મી નેશનલ અસેમ્બલીમાં ચૂંટણી એક ઔપચારિકતા રહી ગઈ હતી, શરીફની ઉમેદવારીને લઈને પીપીપી અને પીએમએલ-એન વચ્ચે મતભેદ થયા હતા.
નેશનલ એસેમ્બલીના સ્પીકર અસદ કેસરે જાહેરાત કરી કે ક્રિકેટરથી નેતા બનેલા 65 વર્ષીય ઈમરાન ખાનને 176 વોટ મળ્યા છે. જ્યારે તેમના એકમાત્ર વિરોધી અને પીએમએલ-એના પ્રમુખ શાહબાઝ શરીફને 96 વોટ મળ્યા છે. પરીણામની જાહેરાત બાદ પીએમએલ-એનના સાંસદોએ ઈમરાન વિરુદ્ધ નારા પણ લગાવ્યા હતા અને સદનમાં વિરોધ પ્રદર્શન કર્યું હતું. સરકાર બનાવવા માટે નેશનલ એસેમ્બલીમાં 342 સદસ્યમાંથી 172 મતથી જરૂર હોય છે.