રાષ્ટ્રીય રાજધાની દિલ્હી ફરી એકવાર શ્રદ્ધા હત્યા કેસ જેવી ઘટનાથી હચમચી ઉઠ્યું છે. આ વખતે આરોપી છોકરાએ યુવતીની હત્યા કર્યા બાદ લાશને ફ્રિજમાં સંતાડી દીધી હતી અને ચોંકાવનારી વાત એ છે કે હત્યાના બીજા જ દિવસે તેણે બીજી છોકરી સાથે લગ્ન કરી લીધા હતા. પોલીસે યુવતીનો મૃતદેહ કબજે કરી આરોપી યુવકની ધરપકડ કરી લીધી છે. યુવકની પૂછપરછ ચાલી રહી છે, જેમાં ઘણી ચોંકાવનારી બાબતો સામે આવી છે. આરોપી યુવકનું નામ સાહિલ ગેહલોત છે.
શું છે સમગ્ર મામલો
મિત્રોં ગામનો રહેવાસી સાહિલ ગેહલોત વર્ષ 2018માં નિક્કી યાદવને ઉત્તમ નગરના કોચિંગ સેન્ટરમાં મળ્યો હતો. બંને વચ્ચેની આ પહેલી મુલાકાત ક્યારે પ્રેમમાં પરિવર્તિત થઈ તે કોઈને ખબર ન પડી. પ્રેમ એ હદે ખીલ્યો કે સાહિલ અને નિક્કીએ ગ્રેટર નોઈડાની એક ખાનગી યુનિવર્સિટીમાં એડમિશન લીધું અને પછી ગ્રેટર નોઈડામાં જ ભાડાના મકાનમાં રહેવા લાગ્યા. બંને એકબીજાના પ્રેમમાં એટલા બધા પાગલ થઈ ગયા હતા કે ખાનગી યુનિવર્સિટીમાં અલગ-અલગ કોર્સમાં પ્રવેશ મેળવનાર નિક્કી યાદવ અને સાહિલ ગેહલોત પોતાનો અભ્યાસ પણ પૂરો કરી શક્યા નહી.
આ પછી સાહિલે બીજી કોઈ કોલેજમાં એડમિશન લીધું અને નિક્કી યાદવ સાથે દ્વારકા વિસ્તારમાં ભાડાના મકાનમાં રહેવા લાગ્યો, ત્યારબાદ બંનેએ ઉત્તમ નગરમાં મકાન ભાડે લીધું. નિક્કી યાદવે સાહિલ સાથે લગ્ન કરવાનું સપનું જોયું હતું, પરંતુ તેણીને ઓછી ખબર હતી કે તેણી જે વ્યક્તિને તેના જીવનસાથી તરીકે પસંદ કરશે તે એક દિવસ નિર્દયતાથી તેનું ગળું દબાવીને હત્યા કરી નાખશે.
સાહિલના પરિવારને નિક્કી સામે હતી આપત્તિ
સાહિલના પરિવારના સભ્યોને નિક્કી યાદવ અને સાહિલ ગેહલોત વચ્ચેના સંબંધો પસંદ નહોતા અને આ કારણે સાહિલના પરિવારના સભ્યોએ તેના લગ્ન અન્ય જગ્યાએ ગોઠવી દીધા હતા. આ બધાથી અજાણ નિક્કી સાહિલ સાથે ગોવાની ટ્રિપ પ્લાન કરી રહી હતી, જેના માટે નિક્કીએ તેની ગોવાની ટિકિટ બુક કરાવી હતી. પરંતુ કોઈ કારણસર સાહિલની ટિકિટ કન્ફર્મ ન થઈ શકી અને ત્યારબાદ બંનેએ ઉત્તરાખંડ જવાનો પ્લાન બનાવ્યો.
પરંતુ આ દરમિયાન નિકીને સાહિલના 10 ફેબ્રુઆરીના રોજ યોજાનાર લગ્નની જાણ થઈ ગઈ. ત્યારબાદ નિક્કીએ સાહિલને મળવા માટે તેના ઘરે બોલાવ્યો અને પછી બંને કારમાં બેસી આનંદ વિહાર તરફ ગયા. વચ્ચે-વચ્ચે સાહિલ સતત નિક્કીને સમજાવવાની કોશિશ કરી રહ્યો હતો, પરંતુ જ્યારે બંને આનંદ વિહાર પહોંચ્યા ત્યારે તેમને ખબર પડી કે ઉત્તરાખંડની બસ આનંદ વિહાર બસ સ્ટેન્ડથી નહીં પણ કાશ્મીરી ગેટ બસ સ્ટેશનથી મળશે.
સાહિલે કારમાં ડેટા કેબલ વડે ગળું દબાવી દીધું
બંને કાશ્મીરી ગેટ બસ સ્ટેશન તરફ વળ્યા પરંતુ સાહિલના લગ્નને લઈને નિક્કી એટલી નારાજ હતી કે બંને વચ્ચેનો વિવાદ એટલો વધી ગયો કે સાહિલ ગુસ્સામાં આવી ગયો અને તેની જ કારમાં મોબાઈલના ડેટા કેબલ વડે નિક્કી યાદવનું ગળું દબાવી દીધું. ત્યાંથી 40 કિલોમીટર દૂર સાહિલ નિકીની ડેડ બોડીને પોતાની કારમાં મૂકીને મિત્રાઊ ગામમાં તેના ઢાબા પર પહોંચ્યો.
ઢાબા પર પહોંચ્યા બાદ સાહિલે નિક્કી યાદવના મૃતદેહને ઢાબા પર મુકવામાં આવેલા ફ્રીજમાં સંતાડી દીધો. સાહિલે 9મી તારીખે રાત્રે આ હત્યાને અંજામ આપ્યો હતો અને ત્યારબાદ 10મી ફેબ્રુઆરીએ તેના પૂર્વ નિર્ધારિત લગ્નના દિવસે ઘોડી પર ચડી ગયો હતો. સાહિલના પરિવારના સભ્યો અને તેના બધા મિત્રો તેના લગ્નથી ખૂબ જ ખુશ હતા પરંતુ તેઓ જાણતા ન હતા કે ઘોડી પર બેઠેલો વર તેની પ્રેમિકાનો હત્યારો છે.
સાહિલના પરિવારજનોને હત્યાની જાણ નહોતી
આ સમગ્ર હત્યાકાંડથી અજાણ સાહિલે 10 ફેબ્રુઆરીએ પરિવારની મરજીથી લગ્ન કર્યા અને લગ્નના માત્ર 4 દિવસ બાદ એટલે કે 14મી તારીખે દિલ્હી પોલીસની ક્રાઈમ બ્રાન્ચને આ હત્યાકાંડનો સુરાગ મળ્યો. આ પછી, દિલ્હી પોલીસની ક્રાઈમ બ્રાન્ચ મિત્રોં ગામમાં સાહિલના ઢાબા પર પહોંચી અને ત્યાંથી નિક્કી યાદવનો મૃતદેહ મળ્યો અને ત્યારબાદ ક્રાઈમ બ્રાન્ચે હત્યા કેસના આરોપી સાહિલની પણ ધરપકડ કરી.