જાણીતા ડાયરેક્ટર યશ ચોપડાની પત્ની અને રાની મુખર્જીની સાસુ મા પામેલા ચોપડાનુ નિધન થઈ ગય છે. ઉલ્લેખનીય છે કે તેમણે 74 વર્ષની વયે અંતિમ શ્વાસ લીધા. આ સમાચાર પછી સિનેમા જગતમાં શોક પ્રસરી ગયો છે. મળતી માહિતી મુજબ તેઓ છેલ્લા 15 દિવસથી લીલાવતી હોસ્પિટલમાં દાખલ હતા. ડોક્ટરોએ તેમને વેંટિલેટર પર રાખ્યા હતા. પરંતુ તેમની તબિયત લથડતી જઈ રહી હતી. અત્રે એ ઉલ્લેખનીય છે કે તેઓ ફિલ્મ નિર્માતા આદિત્ય ચોપડા અને અભિનેતા ઉદય ચોપડાની માતા અને રાની મુખર્જીની સાસુ હતા. તેમના નિધનથી બોલીવુડ સેલેબ્સમા ગમગીની છવાય ગઈ છે.
ઉલ્લેખનીય છે કે પામેલા ચોપડા સિંગર હોવાની સાથે સાથે ફિલ્મ રાઈટર અને પ્રોડ્યુસર પણ હતા. પામેલા ચોપરાએ કભી કભી, દૂસરા આદમી, ત્રિશુલ, ચાંદની, લમ્હે, ડર, સિલસિલા, કાલા પથ્થર, દિલવાલે દુલ્હનિયા લે જાયેંગે અને મુઝસે દોસ્તી કરોગે જેવી ફિલ્મોમાં કામ કર્યું છે.પતિ યશ ચોપરા સહિત ઘણી ફિલ્મોમાં ગીતો ગાયા છે. તે 'સિલસિલા' 'સાવલ', 'વીર ઝરા' અને 'મેરે યાર કી શાદી હૈ' જેવી ઘણી ફિલ્મોમાં ડ્રેસ ડિઝાઇનર પણ રહી ચૂકી છે.