આ મુદ્દે કોંગ્રેસના વરિષ્ઠ નેતા અને હિમાચલ પ્રદેશના મંત્રી વિક્રમાદિત્ય સિંહનું નિવેદન પણ આવ્યું છે. તેમણે કહ્યું છે કે દરેકને શાંતિપૂર્ણ રીતે વિરોધ કરવાનો અધિકાર છે, પરંતુ રાજ્યની શાંતિને બગાડે તેવી સ્થિતિ ઊભી થવી જોઈએ નહીં. રાજ્યની કાયદો અને વ્યવસ્થા બગડવાની મંજૂરી આપી શકાય નહીં. સમગ્ર મામલો કોર્ટમાં છે. જો જગ્યા ગેરકાયદે જણાશે તો કાર્યવાહી કરવામાં આવશે અને કાયદા મુજબ તેને તોડી પાડવામાં આવશે.
આ મુદ્દાને મસ્જિદ વિવાદ સાથે ન જોડવો જોઈએ.
હિમાચલના મુખ્યમંત્રી સુખવિંદર સિંહ સુખુના મીડિયા સલાહકાર નરેશ ચૌહાણે પણ આ મુદ્દે નિવેદન આપ્યું છે. તેમણે કહ્યું છે કે આ ગેરકાયદે બાંધકામનો મુદ્દો છે, તેને મસ્જિદ વિવાદ સાથે ન જોડવો જોઈએ. નરેશ ચૌહાણે કહ્યું છે કે લોકોએ આ મુદ્દે શાંતિપૂર્ણ રીતે પ્રદર્શન કર્યું છે.
