ભારત અને ઇંગ્લેંડ વચ્ચે 4 મેચોની ટેસ્ટ સિરીઝની ત્રીજી મેચ 24 ફેબ્રુઆરી એટલે કે આજથી અમદાવાદના મોટેરા સ્ટેડિયમમાં રમાશે. આ સીરીઝ પહેલાં ટેસ્ટમાં ઇગ્લેંડે ભારતને 227 રનથી માત આપી હતી. જ્યારે બીજી ટેસ્ટ મેચમાં ભારતે શાનદાર વાપસી કરતાં 317 રન બનાવી જીત પ્રાપ્ત કરી હતી. બીજી ટેસ્ટ મેચમાં ભારતના સ્ટાર ઓલરાઉન્ડર રવિચંદ્રન અશ્વિનની આગળ ઇંગ્લેંડ નતમસ્તક થઇ ગયું હતું. ઇગ્લેંડ સામે ત્રીજી મેચમાં અશ્વિન પાસે ભારત માટે સૌથી ઝડપી 400 વિકેટ લેવાની તક છે.
રવિચંદ્રન અશ્વિને ભારત માટે અત્યાર સુધી 76 ટેસ્ટ મેચ રમી છે, જેમાં જેમણે 394 વિકેટ લીધી છે. જો તે મોટેરામાં યોજાનારી ત્રીજી મેચમાં 6 વિકેટ લે છે તો તે સૌથી ઝડપી 400 વિકેટ લેનાર ભારતીય ખેલાડી બની જશે. હાલ આ રેકોર્ડ અનિલ કુંબલેના નામે છે. કુંબલેએ ટેસ્ટ મેચોમાં આ મુકામ હાંસિલ કર્યું છે.
