વડોદરા નજીક નંદેસરી જીઆઇડીસીમાં આવેલી દીપક નાઇટ્રેટ નામની કંપનીમાં આગ ફાટી નિકળી છે. કંપનીમાં અત્યાર સુધીમાં 6 જેટલા બ્લાસ્ટ થયા છે. આ આગમાં કેટલાક મજૂરો ઘાયલ થયા છે. જેમને સારવાર અર્થે નજીકની હોસ્પિટલમાં ખસેડવામાં આવ્યા છે. જોકે એમોનિયા ભરેલી ટેન્ક સુરક્ષિત કરી દેવામાં આવી છે. આ ઘટના અંગે ફાયર બ્રિગેડને જાણ થતાં ફાયર બ્રિગેડની 20 થી વધુ ગાડીઓ ઘટના સ્થળે પહોંચી ગઇ છે અને આગ પર કાબૂ મેળવવાનો પ્રયાસ કરી રહી છે.
