ગુજરાતમાં આજે ગાંધી પરિવાર પહેલીવાર એકસાથે આવ્યો છે. કૉંગ્રેસે 58 વર્ષ બાદ ગુજરાતમાં CWCની બેઠક યોજી છે. આ બેઠકમાં ભાગ લેવા માટે રાહુલ ગાંધી, પ્રિયંકા ગાંધી, સોનિયા ગાંધી, મનમોહનસિંહ વગેરે અમદાવાદ આવ્યા છે. આ દરમિયાન ગાંધી પરિવાર અને કૉંગ્રેસની વર્કિંગ સમિતિ માટે ભોજનની પણ ખાસ વ્યવસ્થા કરવામાં આવી છે. કૉંગ્રેસ વર્કિંગ સમિતિ અને ગાંધી પરિવાર માટે ઉંધીયું, જલેબી, કચોરી, દાળ-ભાત, ફુલકા રોટી, બટાટાનું શાક, ઢોકળા, બાજરીનાં રોટલા, અથાણું અને ચટણીની વ્યવસ્થા કરવામાં આવી છે. આજે રાહુલ ગાંધી અમદાવાદ ખાતે જાહેરસભા પણ સંબોધશે.
