રાજ્યસભામાં હોબાળો કરનાર 12 સભ્યો સસ્પેન્ડ, ઇતિહાસની સૌથી મોટી કાર્યવાહી

સંસદના ચોમાસુ સત્ર દરમિયાન રાજ્યસભામાં હોબાળો કરવા બદલ 12 સભ્યોને સંસદના શિયાળુ સત્રમાંથી નિલંબિત કરવામાં આવ્યા છે. આને રાજ્યસભાના ઇતિહાસની સૌથી મોટી કાર્યવાહી ગણવામાં આવે છે.

નિલંબિત કરાયેલા સંસદસભ્યો પૈકીના છ કૉંગ્રેસ પાર્ટીના છે, જ્યારે અન્ય છ સંસદસભ્યો તૃણમૂલ કૉંગ્રેસ, સીપીઆઈ, સીપીઆઈ(એમ) અને શિવસેનાના છે

આ તમામ સભ્યો સંસદના વર્તમાન સત્રમાં ભાગ નહીં લઈ શકે.

આ સંસદસભ્યોને નિલંબિત કરવાનો પ્રસ્તાવ સંસદીય મામલાના મંત્રી પ્રહ્લાદ જોશીએ રજૂ કર્યો હતો.

આ પહેલાં વર્ષ 2020માં રાજ્યસભાના આઠ સંસદસભ્યોને નિલંબિત કરાયા હતા

આ મામલે મંગળવારે રાજ્યસભાની કાર્યવાહી શરૂ થઈ, ત્યારે પણ હોબાળો થયો હતો અને 12 સંસદસભ્યોના સસ્પેન્શન રદ કરવાની માગ પર અડેલા વિપક્ષના સભ્યોએ વૉક-આઉટ કર્યું છે.