બ્રિટન સહિત યુરોપિયન દેશોમાં મળેલા કોરોનાના નવા સ્ટ્રેનને લઇ યુ.કેના ઘણા દેશોમાં લોકડાઉન જાહેર કરવામાં આવ્યું છે. ત્યારે ઘણા મુસાફરોએ સ્વદેશની વાટ પડી છે. ભારતથી લંડન જતી ફ્લાઇટો બંધ કરી દેવામાં આવી છે. લંડનથી અમદાવાદ આવતી એર ઇન્ડિયાની ફ્લાઈટ એઆઈ 1171 અમદાવાદ આવી પહોંચી હતી. ત્યારે તમામ મુસાફરોના કોરોના ટેસ્ટ કરવામાં આવ્યા હતા.
તમને જણાવી દઈએ કે, આરોગ્ય મંત્રાલયે આજે જણાવ્યું હતું કે, યુકેમાં જોવા મળેલા નવા સ્ટ્રેનથી ડરવાની જરૂર નથી, પણ સતર્ક રહેવાની જરૂર છે. મંત્રાલયે કહ્યું કે, આ નવો પ્રકાર બીમારીને વધુ જટિલ નથી બનાવતો અને તેનાથી મૃત્યુદર પણ અસર નથી થઈ.
