પ્રિયંકાએ પોતાના ઇન્સ્ટાગ્રામ એકાઉન્ટ પર એક પોસ્ટ શેર કરીને તેના ફેંસ સાથે આ ગુડ ન્યુઝ શેર કર્યા છે. થોડા સમય પહેલા શેર કરેલી આ પોસ્ટમાં અભિનેત્રીએ લખ્યું હતું કે, 'અમને એ જણાવતા અત્યંત આનંદ થાય છે કે અમે સરોગસી દ્વારા અમારા બાળકનું સ્વાગત કર્યું છે. અભિનેત્રીએ આગળ લખ્યું, 'આ ખાસ અવસર પર અમે આદરપૂર્વક અમારી પ્રાઈવેસીની માંગ કરી રહ્યા છે, કારણ કે અમે આ સમયે અમારું ધ્યાન અમારા પરિવાર પર કેન્દ્રિત કરવા માંગીએ છીએ. આપ સૌનો આભાર.'
નિકના ભાઈ જો જોનસે પ્રિયંકા અને નિક બંનેની પોસ્ટ પર હાર્ટ ઇમોજીસ કોમેન્ટ કરી. જ્યારે કે અભિનેત્રી લારા દત્તાએ લખ્યું, "અભિનંદન." આ સિવાય તેમના ફેન્સ પણ આ સમાચારથી ઘણા ખુશ છે. થોડા સમય પહેલા શેર કરવામાં આવેલી આ પોસ્ટને અત્યાર સુધીમાં 5 લાખથી વધુ લોકોએ લાઈક કરી છે.
