પાસ કન્વીનર અલ્પેશ કથીરિયા પર સામાજીક તત્વો દ્વારા હુમલા નો પ્રયાસ કરવામાં આવ્યો હોવાનો વિડીયો વાયરલ થતા ચકચાર માચી છે. પ્રાપ્ત માહિતી મુજબ આજે સવારે પોતાના કામ અર્થે બાઈક લઈને વરાછા રોડ પર જઈ રહેલા અલ્પેશ કથીરિયાએ બેફામ રીક્ષા ચલાવતા એક રીક્ષા ચાલકને ટકોર કરતાં કહ્યું હતું કે રીક્ષા બરાબર ચલાવો કોઈકનું એક્સિડન્ટ થઇ જશે.
અલ્પેશ કથીરિયા ની આ વાત સાંભળીને ઉશ્કેરાયેલા રીક્ષા ચાલકે રિક્ષામાંથી ડંડો કાઢીને હુમલો કરવા દોડી ગયો હતો. એટલામાં અન્ય રીક્ષા ચાલકો અને આ રીક્ષા ચાલકના સાગરીતો ભેગા થઈ ગયા હતા અને અલ્પેશ કથીરિયા પર હુમલો કરવાનો પ્રયાસ કરી દીધો હતો. જેમાં રીક્ષા ચાલકે હુમલો કરતા ઈજાગ્રસ્ત કથીરિયાને હોસ્પિટલ ખસેડાયા હતા. પરંતુ પાટીદાર યુવાનોએ અલ્પેશ કથીરિયાને જોઈ જતા વચ્ચે પડ્યા હતા અને સામાજિક તત્વોને ખદેડી મૂક્યા હતા. આ સમગ્ર મામલે પોલીસે ફરિયાદના આધારે તપાસ શરૂ કરી છે.
