સુરતના ડુમસના દરિયામાં મોટુ દુર્ઘટના ટળી હોવાની ઘટના સામે આવી છે.ડુમસના દરિયામાંથી તણાઈ આવેલું કોલસા ભરેલું બાર્જ ONGC બ્રિજના પિલ્લર સાથે ટકરાયું હતું. હજીરા સ્થિત વિવિધ કંપનીઓના બાર્જ જેટી પાસે બાંધવામાં આવતા હોય છે. ઘણી વખત વધુ પડતા પવન અને પાણીના વેગના કારણે આ પ્રકારના બાર્જ તણાઈ આવતા હોય છે. આખરે તે ઓએનજીસી બ્રિજના પિલર પાસે આવીને ઊભા રહી જતા હોય છે.
ત્યારે જેટી પર તેમને બાંધીને રાખવામાં આવતા હોય છે, પરંતુ કોઈ કારણસર બાર્જ ઓએનજીસી બ્રિજના પિલર સુધી આવી ગયું હતું.દરિયામાં ભારે પવનના મોજા ઉઠતા બાર્જ ઓએનજીસી બ્રિજના પિલર સાથે ટકરાયા હતા. બીજી તરફ દરિયામાં કરંટ હોવાથી પવન અને પાણીના વેગના કારણે હજીરાની જેટી ખાતે બાંધવામાં આવેલા કોલસા ભરેલા મહાકાય બાર્જની દોરીઓ તૂટી જતાં તણાઈને ઓએનજીસી બ્રિજ પાસે આવી ગયાં હતાં. જેથી લોકોમાં ભારે કૂતુહલ સર્જાયું હતું. બીજી તરફ બાર્જને સલામત રીતે જેટી સુધી લઈ જવા માટે ભારે જહેમત ઉઠાવવામાં આવી હતી.
