લોકસભાની ચૂંટણી આડે સવા વર્ષ બાકી રહ્યું છે ત્યારે ભાજપે ગુજરાતમાં અત્યારથી જ ચૂંટણીની તૈયારી શરૂ કરી દીધી છે. નવી સરકારની રચના પછી શરૂ થયેલા આંતરિક 'ઉંબાડિયા' ને પાર્ટીએ ગંભીરતાથી લીધા છે. ભવિષ્યમાં તેનો 'ફેલાવો' રોકવા માટેના વિકલ્પો વિચારાઇ રહ્યા છે. બહારના અને અંદરના પડકારોની હારમાળા વચ્ચે લોકસભાની ચૂંટણીની તૈયારી શરૂ કરી દેવામાં આવી છે. ભાજપ હસ્તક રહેલી સંસદની તમામ છવીસ બેઠકો ફરી જીતવાના લક્ષ્યાંક સાથે કેન્દ્ર અને રાજય કક્ષાએથી સર્વે શરૂ થઇ ગયાના વાવડ છે.
