Dilip Joshi Net Worth: તારક મહેતા કા ઉલ્ટા ચશ્મામાં જેઠાલાલના પાત્રથી ઘર-ઘરમાં જાણીતા બનેલા અભિનેતા દિલીપ જોશી આજે તેમનો 55મો જન્મદિવસ ઉજવી રહ્યા છે. દિલીપ જોશીએ તેમની પહેલી જ ફિલ્મમાં સલમાન ખાન સાથે કામ કર્યું હતું પરંતુ તેમને ફી તરીકે માત્ર 50 રૂપિયા મળ્યા હતા. હા... 1989માં સલમાન ખાન અને ભાગ્યશ્રીની 'મૈંને પ્યાર કિયા'થી બોલિવૂડમાં પ્રવેશ કરનાર દિલીપ જોશીએ આ ફિલ્મમાં રામુ નૌકરનું પાત્ર ભજવ્યું હતું, જેના માટે તેમને ફક્ત 50 રૂપિયા ફી ચૂકવવામાં આવી હતી.
આજે લાખો રૂપિયા ફી લે છે જેઠાલાલ
તારક મહેતા કા ઉલ્ટા ચશ્મામાં જેઠાલાલની ભૂમિકા ભજવનાર દિલીપ જોશીને એકવાર ફી તરીકે 50 રૂપિયા મળ્યા હતા. આજે તે કરોડોની સંપત્તિના માલિક છે. પોતાના કરિયરમાં ઘણો સંઘર્ષ જોયા બાદ, અભિનેતા આજે એવા મુકામ પર પહોંચી ગયા છે કે તે એક એપિસોડના શૂટિંગ માટે લગભગ 1.5 લાખ રૂપિયા ચાર્જ કરે છે. જો અહેવાલો પર વિશ્વાસ કરવામાં આવે તો, આ અભિનેતા તારક મહેતા કા ઉલ્ટા ચશ્માનો સૌથી વધુ કમાણી કરનાર અભિનેતા છે.
એક સમયે ફિલ્મ ઈંડસ્ટ્રી છોડવા માંગતા હતા જેઠાલાલ
દિલીપ જોશીએ બોલીવુડમાં તેમની શરૂઆત સલમાન ખાન સાથે મૈંને પ્યાર કિયાથી કરી હતી, પરંતુ તેની કારકિર્દી ધીમે ધીમે આગળ વધી હતી. મૈંને પ્યાર કિયા પછી, અભિનેતા હમરાજ, દિલ ભી હૈ હિન્દુસ્તાની, ખિલાડી 420 જેવી ફિલ્મોમાં નાની ભૂમિકામાં જોવા મળ્યો હતો. અભિનેતાએ ટીવી સિરિયલોમાં પણ પોતાનું નસીબ અજમાવ્યું પરંતુ કંઈ ખાસ થયું નહીં. ત્યારબાદ વર્ષ 2006 પછી અભિનેતા લાંબા સમયથી કોઈ કામ કરી રહ્યો ન હતો.
દિલીપ જોશીએ તેમના ઘણા ઇન્ટરવ્યુમાં જણાવ્યું છે કે વર્ષ 2008માં જ્યારે તેમને તારક મહેતા કા ઉલ્ટા ચશ્માની ઑફર મળી ત્યારે તેમને જેઠાલાલ અને બાપુજીના પાત્રોમાંથી એક પસંદ કરવાનો મોકો મળ્યો હતો. તેણે જેઠાલાલને પસંદ કર્યો અને આજે તે ટીવી ઈન્ડસ્ટ્રીનો એ સ્ટાર છે, જેની સફળતાની ચર્ચા દરેક જગ્યાએ છે.
