આ અવસરે ગુજરાતમાં ડિજિટલ સેવા સેતુના માધ્યમથી ગ્રામીણ નાગરિકોને જરૂરી સેવાઓ, પ્રમાણપત્રો, દાખલાઓ પોતાના ગામના પંચાયત ઘરેથી જ સરળતાએ મળી જાય તેવી ટેકનોલોજી યુક્ત ડિજિટલ સેવા સેતુની બહુ આયામી સેવાઓની વિશદ ભૂમિકા આપી હતી. ડિસેન્ટ્રલાઇઝ્ડ પ્રણાલી થકી ગ્રામ પંચાયતો મિનિ સચિવાલય બને તેવી સરકારની નેમ તેમણે વ્યક્ત કરી હતી. મુખ્યમંત્રીએ પ્રજા કલ્યાણના આ ટેકનોલોજીયુકત અભિગમ માટે રાજકોટ જિલ્લા પંચાયત પ્રમુખ અને સમગ્ર ટિમને અભિનંદન આપ્યા હતા અને અન્ય જિલ્લા પંચાયતો માટે આ પહેલ પથદર્શક બનશે તેવી અપેક્ષા વ્યકત કરી હતી.