આ દરમિયાન ધારાસભ્ય રાજેશ મિશ્રા ઉર્ફ પપ્પુ ભારતૌલને ફોન લગાવવામાં આવ્યો. પહેલા તો તેમણે થોડીવાર સુધી વાત કરીને પુત્રીને ખુશ રહેવાનો આશીર્વાદ આપીને ફોન કાપી નાખ્યો. ત્યારબાદ જ્યારે તેમનો ફરીથી સંપર્ક કરવામાં આવ્યો તો પુત્રી સાક્ષીએ પિતા સાથે વાત કરી અને તેમને સવાલ કર્યો. જ્યારે ધારાસભ્યને પૂછવામાં આવ્યુ કે તેમણે પુત્રીના મનની વાત કેમ ન સાંભળી તો તેમણે કહ્યુ કે મારા તરફથી તેને કોઈ ખતરો નથી. જો કે જ્યારે પુત્રીએ તેમને સવાલ કર્યો તો તેમણે કોઈ જવાબ ન આપ્યો.
સાક્ષીએ પોતાના પિતાને કહ્યુ કે તમારા માણસો અમન શોધી રહ્યા છે અને અમારા પર આરોપ લગાવી રહ્યા છે. તમે તેમને રોકતા કેમ નથી. વારે ઘડીએ એવુ કહેવામાં આવી રહ્યુ છે કે મારા જેવી પુત્રી પૈદા ન થાય તો હુ પણ કહી દીધુ કે સાચે જ મારા જેવી પુત્રી કોઈ ઘરમાં પૈદા ન થવી જોઈએ. કારણ કે જેટલુ દુખ અને દબાણ મે સહન કર્યુ છે તે કોઈને સહન ન કરવુ પડે.
સાક્ષીએ જણાવ્યુ કે હુ જ્યારે જયપુરમાં હતી તો મારી સાથે માતાને મોકલી દેવામાં આવી જેથી હુ કોઈ એવુ કામ ન કરુ જે મારા પિતાના વિરુદ્ધ હોય. સાક્ષીએ એ પણ આરોપ લગાવ્યો કે જે રીતે મારા ભાઈને બધી છૂટ આપવામા આવતી હતી એવી મને ક્યારેય ન મળી. સાક્ષીએ પોતાના પિતાને ફરી કહ્યુ કે જે લોકો મારા વિશે ખોટી ખોટી વાતો કરે છે તેમન તમે કેમ નથી રોકતા. મારા વિશે તમારા માણસો સોશિયલ મીડિયા પર આપત્તિજનક વાતો લખી રહ્યા છે તેને તમે કેમ નથી રોકતા.
