પોલીસ સૂત્રોએ જણાવ્યું કે, ગડાઈ ડાયરા વિસ્તારમાંથી બોટમાં સવાર 17 લોકો ડાયરા વિસ્તારમાં ખેતરોમાં કામ કરવા જઈ રહ્યા હતા. દરમિયાન બોટ કાબુ બહાર જઈ નદીમાં પલટી ગઈ હતી. આ ઘટનામાં ત્રણ લોકોના ડૂબી જવાથી મોત થયા છે, જ્યારે 10 લોકો લાપતા છે.
સૂત્રોએ જણાવ્યું કે સ્થાનિક ડાઇવર્સની મદદથી ચાર લોકોને નદીમાંથી બહાર કાઢવામાં આવ્યા હતા. તેમને અમદાવાદ પ્રાથમિક આરોગ્ય કેન્દ્રમાં દાખલ કરવામાં આવ્યા છે. પોલીસ અને વહીવટી તંત્રના વરિષ્ઠ અધિકારીઓ ઘટનાસ્થળે ધામા નાખ્યા છે. ગુમ થયેલા લોકોની શોધખોળ કરવામાં આવી રહી છે. મૃતકોની ઓળખ થઈ શકી નથી. મૃતદેહોને પોસ્ટમોર્ટમ માટે મોકલી દેવામાં આવ્યા છે.
