ઉત્તર પ્રદેશમાં સતત વધી રહેલી ગરમી સામે ઝઝૂમી રહેલા લોકો માટે રાહતના સમાચાર છે. હવામાન વિભાગ (IMD)એ આગાહી કરી છે કે આગામી દિવસોમાં હવામાનમાં ફેરફાર થશે અને ગરમીમાંથી થોડી રાહત મળશે. ગુરુવાર, 10 એપ્રિલથી રાજ્યના 50 થી વધુ જિલ્લાઓમાં હળવો વરસાદ, જોરદાર પવન અને વીજળી પડવાની સંભાવના છે. આ ફેરફાર માત્ર એક દિવસ માટે નહીં હોય, પરંતુ તેની અસર આગામી 2 થી 3 દિવસ સુધી રહી શકે છે.
હવામાન કેવું રહેશે?
ભારતીય હવામાન વિભાગના જણાવ્યા અનુસાર, પૂર્વ અને પશ્ચિમ બંને ઉત્તર પ્રદેશમાં 20-30 કિમી પ્રતિ કલાકની ઝડપે વીજળીના ચમકારા અને ભારે પવન સાથે વરસાદ થવાની સંભાવના છે. ગુરૂવારે સહારનપુરથી સોનભદ્ર સુધીના જીલ્લાઓમાં તૂટક તૂટક વરસાદની સંભાવના છે.
