Delhi Officer Rape Case - ઓફિસર પર મિત્રની સગીર પુત્રી પર રેપનો આરોપ, પત્નીએ એબોર્શન પિલ્સ આપી, યુવતીના પિતાના મૃત્યુ પછી પોતાને ઘરે રાખી હતી

Delhi Officer Rape Case - દિલ્હી સરકારના મહિલા અને બાળ વિકાસ વિભાગના ડેપ્યુટી ડાયરેક્ટર પર સગીર બાળકી પર બળાત્કારનો આરોપ છે. ન્યૂઝ એજન્સી પીટીઆઈના જણાવ્યા અનુસાર, યુવતી આ અધિકારીના મિત્રની પુત્રી છે, જેને તે મિત્રના મૃત્યુ બાદ નવેમ્બર 2020માં પોતાના ઘરે લાવ્યો હતો.

પોલીસે જણાવ્યું કે આ અધિકારીએ જાન્યુઆરી 2021 સુધી ઘણી વખત સગીરનું યૌન શોષણ કર્યું હતું. જ્યારે તે ગર્ભવતી બની ત્યારે આરોપીની પત્નીએ તેને ગર્ભપાતની ગોળીઓ આપી હતી.

આ મામલો ત્યારે સામે આવ્યો જ્યારે છોકરીને એક્ઝાઈટી અટેલ બાદ હોસ્પિટલમાં દાખલ કરવામાં આવી, ત્યારબાદ તેણે આ વાત ડોક્ટરને જણાવી.

દિલ્હી પોલીસે અધિકારી વિરુદ્ધ IPC અને POCSO હેઠળ કેસ નોંધ્યો છે. આરોપીની પત્ની પર પણ ગુનામાં મદદ કરવાનો આરોપ છે.

અધિકારીની પત્નીએ પુત્ર પાસેથી ગર્ભપાતની ગોળીઓ મંગાવી હતી

સગીરના પિતાનું 1 ઓક્ટોબર 2020ના રોજ અવસાન થયું હતું. ત્યારથી તે આરોપી અને તેના પરિવાર સાથે રહેતી હતી. યૌન શોષણ બાદ જ્યારે તે ગર્ભવતી થઈ ત્યારે તેણે આ વાત આરોપીની પત્નીને કહી. બાદમાં, તેણે તેના પુત્ર પાસેથી ગર્ભાવસ્થા સમાપ્ત કરવા માટે દવાઓ મેળવી અને તે છોકરીને આપી.

જાન્યુઆરી 2021માં સગીર તેના ઘરે પરત ફરી  

જાન્યુઆરી 2021 માં, જ્યારે તેની માતા જાતીય શોષણનો સામનો કરી રહેલી સગીરને મળવા આવી, ત્યારે તે તેની સાથે તેના ઘરે પાછી આવી. ઓગસ્ટમાં યુવતીને ચિંતાનો હુમલો આવ્યો હતો. આ પછી, માતાએ તેને સેન્ટ સ્ટીફન્સ હોસ્પિટલમાં દાખલ કરી, જ્યાં તેણે કાઉન્સેલિંગ દરમિયાન આખી ઘટના જણાવી. બાદમાં હોસ્પિટલે બુરારી પોલીસ સ્ટેશનને જાણ કરી હતી.

પોલીસે આરોપીઓ વિરુદ્ધ IPC  અને POCSO એક્ટ હેઠળ કેસ નોંધ્યો છે. જો કે હજુ સુધી મેજિસ્ટ્રેટ સમક્ષ યુવતીનું નિવેદન નોંધવામાં આવ્યું નથી. બાબતે તપાસ ચાલુ છે.

 દિલ્હી સરકાર બોલી - દોષી સાબિત થશે તો કડક પગલા લેવાશે 

દિલ્હી સરકારે આ મામલે કહ્યુ - આરોપી મહિલા અને બાલ વિકાસ વિભાગમાં ડિપ્ટી ડાયરેક્ટર છે. એફઆઈઆર નોધવામાં આવી છે. કાયદાએ પોતાનુ કામ કરવુ જોઈએ. અમારી સરકાર મહિલા સુરક્ષા અને બાળકોના શોષણ જેવા મુદ્દા પર ગંભીર છે.  જો તે દોષી સાબિત થયો તો કડક પગલા લેવામાં આવશે.