મામલો મેક્સિકોનો છે, સરાઈ સેંટિયાગો ગાર્સિયા નામની મહિલા પોતાના બાળકોને ઘરમાં બંધ રાખીને પિઝા લેવા ગઈ હતી, જ્યારે પિતા ક્યાંક બહાર ગયા હતા. ઘરમાં બધા બાળકો આનંદથી રમી રહ્યા હતા અને મસ્તી કરી રહ્યા હતા પરંતુ આ દરમિયાન ઘરમાં આગ લાગી હતી. બાળકો ઘરેથી ભાગી જવાના પૂરા પ્રયત્નો કરતા રહ્યા પણ ના શક્યા. અહેવાલો અનુસાર, બાળકો ડરથી એકબીજાને પકડીને રડી રહ્યા હતા.
ઘટના સમયે 2, 4, 8 અને 11 વર્ષના બાળકો ઘરમાં એકલા હતા. શરૂઆતમાં જાણવા મળ્યું હતું કે કદાચ દરવાજા પાસે રાખેલા સોફાને કારણે તે બહાર આવી શક્યો ન હતો. આગની જાણ પડોશીઓને થતાં તેઓએ તાત્કાલિક ફાયર વિભાગને ફોન કરીને બાળકોની માતાને જાણ કરી હતી. આ પછી પડોશીઓએ જાતે જ દરવાજો તોડીને ઘરમાં પ્રવેશવાનો પ્રયાસ શરૂ કર્યો હતો.
