ગુજરાત સરકારે રાજ્યની મહિલાઓને આત્મનિર્ભર બનાવવા માટે ઘણી યોજનાઓ શરૂ કરી છે. જેમાં વિધવા સહાય યોજનાનો પણ સમાવેશ કરાયો છે. હવે સરકારે આ યોજનાનું નામ બદલીને ગંગા સ્વરૂપા યોજના કરી દીધું છે. જે અંતર્ગત વિધવા મહિલાઓને દર મહિને 1,250 રૂપિયાની રકમ આપવામાં આવશે. જણાવી દઈએ કે ગુજરાત સરકારે એપ્રિલ 2019 થી માસિક પેન્શનની રકમ 1,000 રૂપિયાથી વધારીને 1,250 રૂપિયા કરી દીધી છે. જો તમે આ યોજનાનો લાભ લેવા માંગતા હોવ, તો તેની સાથે સંબંધિત તમામ માહિતી નીચે આપવામાં આવી છે.
ગુજરાત ગંગા સ્વરૂપ પેન્શન યોજનાની પાત્રતા
18 થી 60 વર્ષની વયજૂથની મહિલાઓને વિધવા સહાય યોજનાનો લાભ મળશે.
આ યોજનાનો લાભ માત્ર ગુજરાતના કાયમી રહેવાસીને જ આપવામાં આવશે.
જો અરજદાર મહિલાએ તેના પતિના મૃત્યુ પછી બીજા લગ્ન કર્યા હોય તો તેને આ યોજનાનો લાભ નહીં મળે.
યોજનાની સત્તાવાર વેબસાઇટ પરથી આ ફોર્મ ડાઉનલોડ કર્યા પછી, તેની પ્રિન્ટ-આઉટ લો.
પછી તેમાં પૂછવામાં આવેલી તમામ માહિતી ધ્યાનપૂર્વક ભરો.
