KKR vs CSK: ચેન્નાઈ સુપર કિંગ્સે રવિવારે કોલકાતા નાઈટ રાઈડર્સને 49 રને હરાવીને પોઈન્ટ ટેબલમાં ટોચનું સ્થાન મેળવ્યું છે. કોલકાતા નાઈટ રાઈડર્સના કેપ્ટન નીતીશ રાણા સામે સ્વીકાર્યું કે સારી શરૂઆત ન મળવાને કારણે આટલું મોટું લક્ષ્ય હાંસલ કરવું સરળ નથી. નીતિશ રાણાએ કહ્યું, 'અમારી શરૂઆત સારી રહી ન હતી. અમે પાવરપ્લેમાં બહુ ઓછા રન બનાવ્યા અને પાવરપ્લેમાં આટલા ઓછા રન બનાવ્યા પછી આટલો મોટો ટાર્ગેટ હાંસલ કરવો સરળ નથી. અજિંક્ય (રહાણે)એ ફરી એકવાર શાનદાર ઇનિંગ રમી.
નીતિશ રાણાએ કહ્યું કે તેમની ટીમ પોતાની ભૂલોમાંથી બોધપાઠ લઈ રહી નથી અને સતત ભૂલોનું પુનરાવર્તન કરી રહી છે. નીતિશ રાણાએ કહ્યું, 'અમારી ટીમ પોતાની ભૂલોમાંથી શીખી રહી નથી. આટલી મોટી ટુર્નામેન્ટમાં આટલી મોટી ટીમો સામે અમે જે ભૂલો કરીએ છીએ તેનું પુનરાવર્તન કરીએ છીએ જે એક સમસ્યા છે. અમે ટૂર્નામેન્ટમાં અમારા પ્રદર્શનમાં સુધારો નથી કરી રહ્યા. આ પીચ પર 235 રન બનાવ્યા તે પચાવવું મુશ્કેલ છે.
