વિરાટની સાથે ફોટો થઈ રહી છે વાયરલ
વાયરલ થયેલી આ તસ્વીરમાં બાબા રામ રહીમ સાથે વિરાટ કોહલી જોવા મળી રહ્યા છે. જો કે આ તસ્વીર ખૂબ જૂની છે. આ ઉપરાંત એક ખૂબ જ રોચક વીડિયો પણ ઝડપથી વાયરલ થઈ રહ્યો છે. જેમા બાબા એ વાતનો ખુલાસો કરી રહ્યા છે કે તેમણે ભારતીય કપ્તાન વિરાટ કોહલીને ક્રિકેટ રમતા શીખવાડ્યુ છે.
દોષી રામ રહિમ સિંહે કર્યો હતો વિરાટને ક્રિકેટ શીખવાડવાનો દાવો
ઉલ્લેખનીય છે કે આ વીડિયોમાં ડેરા સચ્ચા સૌદા પ્રમુખ સિંગર અને ડાયરેક્ટર ગુરમીત રામ રહીમ સિંહે દાવો કર્યો હતો કે તેમણે વિરાટ કોહલીને રમત શીખવાડ્યુ છે. વીડિયોમાં તેઓ કહી રહ્યા છે કે મને સ્પોર્ટ્સમાં A ટૂ Z માહિતી છે. મે 32 નેશનલ ગેમ રમી છે. એટલુ જ નહી મે અનેક ખેલાડીઓને કોચિંગ પણ આપી છે. જેમને ભારત માટે મેડલ જીત્યા છે. રહીમે એક ઈંટરવ્યુમાં કહ્યુ હતુ કે તેમની પાસે એ વીડિયો પણ છે જેમા તેઓ કોહલીને ક્રિકેટ શિખવાડી રહ્યા છે. એટલુ જ નહી તેમણે તો એવુ પણ કહ્યુ કે વિજેન્દ્ર સિંહ, શિખર ધવન આશીષ નેહરા, યુસુફ પઠાણ પણ તેમની પાસે સલાહ લેવા આવતા હતા.
