વિક્રમ વેધા(Vikram Vedha)ફિલ્મના ફેંસ આ ફિલ્મની આતુરતાથી રાહ જોઈ રહ્યા છે. આ ફિલ્મમાં સૈફ અલી ખાન(Saif Ali Khan) અને રિતિક રોશન (Hrithik Roshan)પહેલીવાર સાથે કામ કરતા જોવા મળશે. હવે આ ફિલ્મના વિક્રમ એટલે કે સૈફનો ફર્સ્ટ લૂક (Saif Ali Khan as Vikram)સામે આવ્યો છે. રિતિકે પોતે તેની ઝલક સોશિયલ મીડિયા પર શેર કરી છે. સાથે જ તેણે તેમની સાથે કામ કરવાનો અનુભવ પણ લખ્યો છે. બીજી બાજુ સૈફની પત્ની અને એક્ટ્રેસ કરીના કપૂર ખાન (Kareena Kapoor Khan) તેના પતિનો લુક જોઈને પાગલ થઈ ગઈ છે અને તેણે તેને પહેલા કરતા વધુ હોટ બતાવ્યો છે.
રિતિક રોશને ઈન્સ્ટાગ્રામ પર સૈફ અલી ખાનનો 'વિક્રમ વેધા'માંનો ફર્સ્ટ લૂક શેર કર્યો અને કેપ્શનમાં લખ્યું, 'વિક્રમ'. આ સાથે, તેણે એમ પણ લખ્યું છે કે, 'એક મહાન અભિનેતા અને સાથીદાર સાથે કામ કરવું, જેની મેં વર્ષોથી પ્રશંસા કરી છે, તે એક એવો અનુભવ છે જે મને યાદ રહેશે. રાહ નથી જોવાતી.
કરીનાએ એ પણ માહિતી આપી છે કે આ 'વિક્રમ વેધા' ફિલ્મ વિશ્વભરમાં 30 સપ્ટેમ્બર 2022ના રોજ સિનેમાઘરોમાં રિલીઝ થશે. માહિતી અનુસાર, 'વિક્રમ વેધ' પ્રખ્યાત પૌરાણિક કથા 'વિક્રમ અને બેતાલ' પરથી પ્રેરિત છે. આ ફિલ્મમાં સૈફ અલી ખાન કોપની ભૂમિકામાં છે, જ્યારે રિતિક રોશન ગેંગસ્ટરની ભૂમિકા ભજવશે
