હુમલાખોર સૈફ અલી ખાનના બાંદ્રા સ્થિત ઘરમાં ઘૂસી આવ્યો હતો અને તેમના પર છ વખત છરીથી હુમલો કર્યો હતો જેના કારણે તેમની સર્જરી કરવી પડી હતી. પોલીસ હવે આ બિલ્ડિંગના સીસીટીવી ફૂટેજ ચેક કરી રહી છે. હુમલાખોર પાસે એક લાકડી અને લાંબો છરો હતો. બાંદ્રામાં સતગુરુ શરણ બિલ્ડિંગની અંદર તે લૂંટ કરવાના ઈરાદાથી ઘૂસી આવ્યો હતો તેવું માનવામાં આવે છે.
પોલીસ અધિકારીએ જણાવ્યું કે ખાન ઉપરાંત તેમના ઘરમાં રહેતાં 56 વર્ષનાં નર્સ, અને ઘરમાં કામ કરતી એક વ્યક્તિને પણ હુમલામાં ઈજા થઈ હતી. પોલીસ માને છે કે બિલ્ડિંગ છોડીને ભાગતા પહેલાં હુમલાખોરે પોતાનાં કપડાં બદલી નાખ્યા હશે.
