બોલિવૂડ એક્ટર સની દેઓલ 'ગદર 2'ની જાહેરાત અગાઉ કરી ચૂક્યો છે. મેકર્સે દશેરાના તહેવાર પર આ ફિલ્મનું પોસ્ટર પણ રિલીઝ કર્યું હતું. હવે ફિલ્મનું શૂટિંગ પણ શરૂ થઈ ગયું છે. ફિલ્મ સમીક્ષક તરણ આદર્શે એક ટ્વીટ કરીને આ માહિતી આપી હતી. તેણે શૂટિંગની એક તસવીર પણ શેર કરી છે. જેમાં સની દેઓલ સરદારજીના ગેટઅપમાં લાલ કુર્તા અને સફેદ પાઘડીમાં જોવા મળી રહ્યો છે.
ગદર 2નુ શૂટિંગ મંગળવાર એટલે કે 1 ડિસેમ્બર, 2021ના રોજ હિમાચલ પ્રદેશમાં શરૂ થઈ ચૂક્યું છે. ફિલ્મનુ શૂટિંગ શરૂ થવા પર ડિરેક્ટર અનિલ શર્માના દીકરા ઉત્કર્ષ શર્માએ પણ ખુશી વ્યક્ત કરી હતી. ઉત્કર્ષ શર્મા ફિલ્મમાં સની દેઓલ અને અમીષા પટેલના દીકરાની ભૂમિકામાં નજરે પડશે.
