આ હજારમાં એપિસોડમાં અમિતાભની પુત્રી શ્વેતા બચ્ચન (Shweta Bachchan)અને નાતિન નવ્યા નવેલી (Navya Naveli Nanda) સ્પેશલ ગેસ્ટના રૂપમાં પહોંચી રહી છે. આ સ્પેશિયલ એપિસોડના શૂટિંગ દરમિયાન અમિતાભ બચ્ચન પોતે ભાવુક થઈ ગયા. 21 વર્ષની આ જર્નીને યાદ કરીને તેમની આંખોમાં આંસુ આવી ગયા. મેકર્સે 1000મા એપિસોડનો પ્રોમો રીલિઝ કર્યો છે.
પ્રોમોમાં જોઈ શકાય છે કે, શ્વેતા નંદા અમિતાભ બચ્ચનને કહે છે કે, પાપા, 1000 એપિસોડ પૂરા કરીને તમને કેવું લાગે છે? અમિતાભ બચ્ચન કહે છે કે, લાગી રહ્યું છે કે જાણે આખી દુનિયા બદલાઈ ગઈ. અમિતાભ આટલું કહે છે પછી પ્રોમોમાં ફ્લેશબેક બતાવવામાં આવે છે. ફ્લેશબેકમાં અત્યાર સુધીના એપિસોડની થોડી થોડી ઝલક બતાવવામાં આવે છે. મંચની યાદગાર પળોને દર્શાવવામાં આવે છે.
